საბერძნეთში 47 წლის ქართველმა მამაკაცი დენის დარტყმის შედეგად, გარდაიცვალა – ამის შესახებ ინფორმაციას ბერძნული მედია ავრცელებს.
გამოცემის ცნობით, კაცი სამედიცინო დაწესებულებაში იყო გადაყვანილი, მაგრამ ექიმებმა მისი გადარჩენა მაინც ვერ შეძლეს. ის ვოლოსის საავადმყოფოში გარდაიცვალა.
კაცი ერთ-ერთი კერძო კომპანიის დაქირავებული მუშა იყო. ის სათბურის მშენებლობაზე მუშაობდა. 47 წლის კაცს დენმა მაშინ დაარტყა, როდესაც ხელში მილი ეჭირა. არსებული ინფორმაციით, ის დენის ღია სადენს შეეხო.
“უბედური შემთხვევა მოხდა მაშინ, როცა ის კონსტრუქციის თავზე – ლითონის კარკასზე – დაახლოებით ხუთი მეტრის სიმაღლეზე იმყოფებოდა და ეჭირა ლითონის მილი, რომელიც ასევე შეხებაში იყო PPC კაბელთან, რის შედეგადაც მას ელექტროშოკი დაემართა. უცხოელს, სხვა მუშაკების ჩვენებით, ეცვა სამუშაო ხელთათმანები, მაგრამ ისინი სავარაუდოდ არ იყო ელექტრო დამცავი.
სასწრაფოდ გამოიძახეს სასწრაფო დახმარება და 47 წლის მამაკაცი სხეულის დიდ ფართობზე დამწვრობით ჯერ ჯანმრთელობის ცენტრში, შემდეგ კი ვოლოსის საავადმყოფოში გადაიყვანეს. იქ ჩაუტარდა ინტუბაცია, მაგრამ შუადღისას სიცოცხლისთვის „ბრძოლა“ წააგო.”- წერს ბერძნული მედია.
ბერძნული მედიის ცნობით, დაკრძალვის პროცედურების ხარჯები ტექნიკურმა კომპანიამ დაფარა. 47 წლის კაცს ახლობლები არ ჰყავდა.
www.mtavari.tv
Loading ...