საბერძნეთში ძლიერი წყალდიდობის შედეგად სახლები დაიტბორა

საბერძნეთის ქალაქ სალონიკში ძლიერმა წყალდიდობამ მრავალი სახლი დატბორა, – ამის შესახებ „ევროპეისკაია პრავდა“ წერს.

მედიის ცნობით, დატბორვის გამო, მაშველებმა 300-ზე მეტი გამოძახება მიიღეს. წყალდიდობამ სახლების გარდა, საგზაო გვირაბებიც დატბორა.

ეროვნულმა მეტეოროლოგიურმა სამსახურმა გააფრთხილა მოსახლეობა მომდევნო დღეებში მოსალოდნელი უამინდობის გამო.

შეგახსენებთ, წყალდიდობის გამო, სერბეთის 50 მუნიციპალიტეტში საგანგებო მდგომარეობა გამოცხადდა. 200-ზე მეტ ადამიანს საცხოვრებელი სახლების დატოვება მოუწია.