საბა მეფარიშვილი თავისუფალია, მან ლაითურის ციხე უკვე დატოვა

400-ლარიანი ჯებირის ჯგუფურად დაზიანების ბრალდებით 1 წლისა და 6 თვის ციხეში გატარების შემდეგ 24 წლის საბა მეფარიშვილი თავისუფალია.
დღესვე დატოვებს საპატიმროს ომარ ოკრიბელაშვილიც.
მეფარიშვილსა და ოკრიბელაშვილს ბრალად ედებოდათ 2024 წლის 14 მაისს რუსული კანონის საპროტესტო აქციაზე შსს-ს კუთვნილი 400-ლარიანი ჯებირის ჯგუფურად დაზიანება.
საბა მეფარიშვილსა და ომარ ოკრიბელაშვილს საპროცესო შეთანხმება ჰქონდათ გაფორმებული. მათ სასჯელის მოსახდელად განესაზღვრათ 2 წელი და 6 თვე, საიდანაც 1 წელი და 6 თვე მოიხადეს პენიტენციურ დაწესებულებაში, ხოლო 1 წელი ჩაეთვალათ პირობითად