საბავშვო ევროვიზია 2025-ის დაფინანსების მიზნით, მთავრობის სარეზერვო ფონდიდან 8 164 280 ლარი გამოიყო. ამის შესახებ აღნიშნულია მთავრობის 6 აგვისტოს განკარგულებაში.
„საბავშვო ევროვიზია 2025-ის ორგანიზების სამოქმედო გეგმის დამტკიცების შესახებ“ საქართველოს მთავრობის 2025 წლის 18 ივლისის №1160 განკარგულებით დამტკიცებული სამოქმედო გეგმის ფარგლებში განსახორციელებელი ზოგიერთი ღონისძიების დაფინანსების მიზნით, საქართველოს ფინანსთა სამინისტრომ „საქართველოს 2025 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს მთავრობის სარეზერვო ფონდიდან გამოყოს 8 164 280 ლარი.
მათ შორის:
ა) საქართველოს კულტურის სამინისტროსათვის – 8 000 000 ლარი;
ბ) საქართველოს ეკონომიკისა და მდგრადი განვითარების სამინისტროსათვის – 164 280 ლარი
ამასთან, დოკუმენტის მიხედვით, დაევალოს საქართველოს კულტურის სამინისტროს, შპს სთარინგ ჯორჯიას წინადადების საფუძველზე, მისთვის სამოქმედო გეგმით გათვალისწინებული ღონისძიებების დაფინანსების მიზნით, თანხის გადარიცხვა.
შეგახსენებთ, რომ საქართველოს მთავრობის, სსიპ საზოგადოებრივი მაუწყებლისა და ევროპის მაუწყებელთა კავშირის (EBU) ერთობლივი გადაწყვეტილებით, 2025 წლის 13 დეკემბერს ქალაქ თბილისში დაგეგმილია საბავშვო ევროვიზია 2025-ის გამართვა.
Loading ...