სააკაშვილი მაკრონს წერილით მიმართავს

წერილს იტალიურ მედია ავრცელებს. ამის შესახებ წერს, მთავარი არხიც.

ბოლო პერიოდია, სააკაშვილის ოჯახის წევრები, ექიმები და ადვოკატები ექსპრეზიდენტის ჯანმრთელობის მდგომარეობის მკვეთრ გაუარესებაზე საუბრობენ და საზღვარგარეთ მის სამკურნალოდ გადაყვანას ითხოვენ.

ყოფილი პრეზიდენტის ჯანმრთელობის მდგომარეობაზე ცენტრ ემპათიის დასკვნაში ნათქვამია, რომ “მოსალოდნელია კომა და სიკვდილი”. სწორედ ჯანმრთელობის გაუარესების გამო სააკაშვილის სასამართლო პროცესი რამდენჯერმე გადაიდო. მან პროცესზე დასწრება ვერც ამჯერად მოახერხა.

საფრანგეთის პრეზიდენტ ემანუელ მაკრონისთვის გაგზავნილ წერილში, მიხეილ სააკაშვილი წერს, რომ რუსეთის პრეზიდენტი პუტინი მას ერთ-ერთ მთავარ მტრად აღიქვამს და მას საჯაროდ დაპირდა მოკვლას.

“მთელი ცხოვრება ვიბრძოდი საქართველოსა და უკრაინაში თავისუფლებისა და რეფორმებისთვის. რუსეთის იმპერიალისტური პოლიტიკის წინააღმდეგ”. “მე მჭირდება რეაქციები მსოფლიოსგან, რადგან მე ვკვდები, ბევრი დრო არ მაქვს. მე პრეზიდენტი მაკრონის და საფრანგეთის მოსახლეობის იმედი მაქვს”, — წერს სააკაშვილი მაკრონს.

გარდა ამისა, 9 დეკემბერს ფრანგი ევროპარლამენტარმა, რაფაელ გლუკსმანმა თქვა, რომ ევროპარლამენტი მომავალ კვირაში აპირებს მობილიზდეს იმისთვის, რომ საქართველოს ყოფილი პრეზიდენტი მიხეილ სააკაშვილი ევროპულ საავადმყოფოში გადაიყვანონ.

მან დაწერა, რომ დღეს სააკაშვილის სიცოცხლე ძაფზე კიდია და ეს ძაფი ევროპაზე გადის.