“სააკაშვილის ჯანმრთელობის მდგომარეობა მძიმეა, მოსალოდნელია კიდევ უფრო დამძიმება”-ცენტრ „ემპათიის“ ხელმძღვანელის განცხადება

ცენტრ „ემპათიის“ ხელმძღვანელის  მარიამ ჯიშკარიანის განაცხადებით, ექსპრეზიდენტ მიხეილ სააკაშვილის ჯანმრთელობის მდგომარეობა სულ უფრო მძიმდება.

მისი თქმით, მარტის თვიდან აღენიშნება ტემპერატურის მატება.

„ჩვენი მონაცემებით, მიხეილ სააკაშვილის ჯანმრთელობის მდგომარეობა მძიმეა, მოსალოდნელია კიდევ უფრო დამძიმება.

ჩვენ შევისწავლეთ გარკვეული დოკუმენტაცია, გვაქვს გარკვეული ინფორმაცია, შესაბამისად, ძალიან ვჩქარობთ უკვე დასკვნით ეტაპზე გადასვლას.

მარტის თვიდან მოყოლებული მას აღენიშნება ტემპერატურის მატება, ამჟამად ტემპერატურული რეაქცია უფრო  მაღალია, ვიდრე იყო.

მოსალოდნელია კიდე უფრო დამძიმება, შესაბამისად, საუბარი იქნება დიაგნოზების მიხედვით შესაძლო გადავადება გათავისუფლებაზე“, – აცხადებს მარიამ ჯიშკარიანი.