საქართველოს მესამე პრეზიდენტის, მიხეილ სააკაშვილის მამა აცხადებს, რომ მას განვითარებული მოვლენები უტოვებს შთაბეჭდილებას, რომ მის შვილს კლავენ. ნიკოლოზ სააკაშვილის კომენტარი “TV პირველმა” გაავრცელა.
“მე მრჩება შთაბეჭდილება, რომ მას კლავენ, პირდაპირი მნიშვნელობით. ჯერ მეგონა, რომ მკაცრი ზომებია, ანგარიშსწორებაა. ახლა უკვე ბოროტების ზღვარს გადასცდნენ და პირდაპირი მიზანია სიკვდილი… მისი გაჩერება ციხის პირობებში, სადაც იმყოფება და შიმშილობს, პირდაპირ ვიტყვი, ყველანი ესენი მოხვდებიან სასამართლოში. ეს არ შეიძლება ასე გრძელდებოდეს”, – თქვა ნიკოლოზ სააკაშვილმა.
საქართველოს მესამე პრეზიდენტი, მიხეილ სააკაშვილი 1 ოქტომბერს დააკავეს. ის ამ დროიდან შიმშილობს და მისი მდგომარეობა მძიმდება. მისი ადვოკატები და ექიმები მის კლინიკაში გადაყვანას ითხოვენ და ამბობენ, რომ მისი მკურნალობა მხოლოდ მრავალპროფილურ კლინიკაშია შესაძლებელი, როგორიც სამოქალაქო კლინიკაა. მთავრობა, მათ შორის პრემიერი ამბობს, რომ მას მხოლოდ გლდანის ციხის კლინიკაში გადაიყვანენ, რადგან სამოქალაქო კლინიკაში გადაყვანის შემთხვევაში “ჯაჯგური” დაიწყება.
www.radiotavisupleba.ge
Loading ...
