რუსული რუბლის კურსი აშშ დოლართან მიმართებაში 30%-ით დაეცა, – ინფორმაციას BBC-ი ავრცელებს.
გამოცემის ცნობით, რუსული ვალუტის ახალი რეკორდულად დაბალი მაჩვენებელი მას შემდეგ დაფიქსირდა, რაც ქვეყნის ზოგიერთ ბანკს SWIFT–ის საერთაშორისო გადახდის სისტემის გამოყენება აეკრძალა.
მზარდმა დაძაბულობამ ასევე განაპირობა ის, რომ ერთი ბარელი Brent-ის ტიპის ნავთობის ფასმა 100 აშშ დოლარს გადააჭარბა.
BBC-ი წერს, რომ ევროკავშირის, შეერთებული შტატების და მათი მოკავშირეების ნაბიჯი, რამდენიმე რუსული ბანკი SWIFT-დან გაეთიშათ, არის ყველაზე მკაცრი ზომა, რომელიც დღემდე მოსკოვს უკრაინასთან ომის გამო დაუწესეს. რუსეთი ნავთობისა და გაზის ექსპორტის განხორციელებისთვის მნიშვნელოვნად არის დამოკიდებული SWIF-ის სისტემაზე.
ასევე გაიყინება რუსეთის ცენტრალური ბანკის აქტივები, რაც შეზღუდავს ქვეყნის შესაძლებლობის წვდომის საზღვარგარეთულ რეზერვებზე.
Loading ...
