რუსული გემი-ბუქსირი, რომელსაც უკრაინელებმა რაკეტები ესროლეს, ფსკერისკენ წავიდა

რუსული სამხედრო ბუქსირი “ვასილი ბეხი”, რომელსაც უკრაინულმა ძალებმა შავ ზღვაში ორი „ჰარპუნის“ რაკეტა ესროლეს, ფსკერისკენ წავიდა.

სააგენტო „როიტერის“ ცნობით, უკრაინამ განაცხადა, რომ დღეს დილით, მისმა ძალებმა შავ ზღვაში ორი „ჰარპუნის“ რაკეტით რუსულ სამხედრო ბუქსირს ესროლა. ეს პირველად ხდება, როდესაც უკრაინა აცხადებს, რომ რუსეთს დასავლეთის მიერ მიწოდებული ხომალდსაწინააღმდეგო იარაღით დაარტყა.

უკრაინის სამხედრო ფლოტმა განაცხადა, რომ ბუქსირს, რომელიც ოდესის რეგიონის გუბერნატორმა დაასახელა როგორც „ვასილი ბეხი“, რუსების მიერ ოკუპირებულ კუნძულზე ჯარისკაცები, იარაღი და საბრძოლო მასალა გადაჰყავდა. მასზე ასევე დამონტაჟებული იყო სარაკეტო სისტემა “Тор”.

რუსული ბუქსირი „ვასილი ბეხი“ უკვე შავი ზღვის ფსკერზე ჩაიძირა.

ინფორმაცია 17 ივნისს საღამოს ოდესის საოლქო სამხედრო ადმინისტრაციის ხელმძღვანელმა მაქსიმ მარჩენკომ დაადასტურა.