ექვთიმე თაყაიშვილის მუზეუმის დირექტორი რუსლან ურუშაძე მისი თანამშრომლის მაიკო გოგორიკიძის სამსახურიდან გათავისუფლებასთან დაკავშირებით ღია წერილს აქვეყნებს. წერილით რუსლან ურუშაძე ოზურგეთის მერის პირველ მოადგილეს გიორგი ღურჯუმელიძეს მიმართავს.
”ექვთიმეს მუზეუმი დიდი ხანია იცნობდა ჩვენი საქმიანობის არამარტო გულშემატკივრად, არამედ დაუღალავ მზრუნველადაც, რასაც არასოდეს დავივიწყებთ და არც ამაგს დავუკარგავთ, მაგრამ ახლა რაღა ვქნათ?! რომ წავუყრუოთ, იქნებ მისთვისაც საზიანო აღმოჩნდეს – თანამდებობაზე ყოფნამ უკეთური საქმეების კეთებას არ დააჩვიოს.
პირადად მე სწორედ ასე ვუყურებ ექვთიმეს მუზეუმის პირნათელი სინდისის მქონე თანამშრომლის მაია გოგორიკიძის ბედის გადაწყვეტაში გიორგის როლის გამოკვეთას.
ყველას მოგიწოდებთ, სხვა გზებით მოიპოვეთ “წარმატებები” თუ კარიერული წინსვლები.
რუსლან ურუშაძე
ექვთიმეს მუზეუმის გამგე
31 ოქტომბერი, 2023წ.”
შეგახსენებთ, რომ ოზურგეთის სამუზეუმო გაერთიანებაში ჩატარებული რეორგანიზაციის შედეგად ორი თანამშრომელი გათავისუფლდა. ერთ–ერთია ექვთიმე თაყაიშვილის მუზეუმის თანამშრომელი მაიკო გოგორიკიძე, რომელიც მის დათხოვნას უსამართლოდ და პოლიტიკურ გადაწყვეტილებად აფასებს და საკუთარი უფლებების დასაცავად ბრძოლას სასამართლოში აპირებს.
კომენტარები
Loading ...