რუსთავში ბიჭი, რომელიც კოვიდსასტუმროდან გუშინ გამოწერეს, დღეს ქუჩაში გარდაიცვალა

რუსთავში, 21 წლის ბიჭი, რომელიც გუშინ კოვიდსასტუმროდან გაწერეს, დღეს გარდაცვლილი ნახეს. ამის შესახებ ინფორმაციას „ინფო რუსთავი“ ავრცელებს.

გამოცემის ინფორმაციით რუსთავში ახალგაზრდა მამაკაცის გარდაცვალებასთან დაკავშირებით ახალი დეტალები ხდება ცნობილი. გარდაცვლილი 21 წლის მამაკაცია.

როგორც გარდაცვლილი მამაკაცის მეგობარმა “ინფო რუსთავს” განუცხადა, ბიჭი მოულოდნელად ცუდად გახდა და წაიქცა.

“ბიჭებს მუშაობა უნდა დაეწყოთ და გაუხდათ ცუდად, წაიქცა ორმოში. ამოიყვანეს და სანამ სასწრაფო მოვიდა თვითონ რაც შეძლეს, გულის მასაჟები გაუკეთეს. თუმცა ვერ გადრჩა”,- განუცხადა გარდაცვლილის მეგობარმა “ინფო რუსთავს”.

მისივე თქმით, ახალგაზრა ბიჭი კოვიდსასტუმროში კორონავირუსზე მკურნალობდა და გუშინ გამოწერეს.

რა გახდა გარდაცვალების მიზეზი ამ დროისთვის უცნობია.

შემთხვევის ადგილზე  ექსპერტკრიმინალისტებმა მუშაობა დაიწყეს.

წყარო: https://inforustavi.ge/?m=31&cat_id=4&news_id=18254