ხელფასების 50 პროცენტით გაზრდის მოთხოვნით რუსთავის მეტალურგიული საწარმო “რუსელოისის” თანამშრომლები დღეს, 5 სექტემბერს გაიფიცნენ. საწარმო ამჟამად გაჩერებულია. მუშების ნაწილი საწარმოს შესასვლელთანაა შეკრებილი და დირექციის პასუხს ელოდება. მათი თქმით, გაფიცულია დაახლოებით 400 ადამიანი. საწარმოს ხელმძღვანელობა გაფიცულებს ჯერ არ შეხვედრია. თანამშრომლების თქმით, მძიმე სამუშაო პირობების ფონზე, 600-700-ლარიანი ხელფასი, სრულიად არასაკმარისია ცხოვრების მინიმალური პირობების დაკმაყოფილებისთვის.
გაერთიანებული პროფკავშირების რეგიონული წარმომადგენლობიდან რადიო თავისუფლებას უთხრეს, რომ მუშებს დირქციისთვის ოფიციალურად პრეტენზიები ჯერ არ წაუყენებიათ.
“გაფიცულები ამჟამად ოფიციალურ მიმართვას ამზადებენ, რომ პროცესს სამართლებრივი ფორმა მიეცეს”, – უთხრეს რადიო თავისუფლებას პროფკავშირებში. ქარხნის დირექცია კომენტარს არ აკეთებს.
Loading ...