რუსთაველის გამზირზე მყოფმა აქციის მონაწილეების ნაწილმა ჭიჭინაძის ქუჩიდან პარლამენტის უკანა შესასვლელისკენ გადაინაცვლა.
„ყველგან „მილიცია“, არასად სამართალი!” – სკანდირებენ აქციის მონაწილეები.
ჭიჭინაძის ქუჩაზე ჯერჯერობით საპოლიციო ძალები არ განლაგებულან.
პარალელურად, აქციის მონაწილეების ნაწილი კვლავ რჩება 9 აპრილის ქუჩაზე, სადაც პოლიციის კორდონია განლაგებული.
შეგახსენებთ, პარლამენტთან მოქალაქეები „ნაციონალური მოძრაობის“ ხელისუფლების საქმიანობის შემსწავლელი პარლამენტის დროებითი საგამოძიებო კომისიის მუშაობის გასაპროტესტებლად შეიკრიბნენ.
აქციაზე რამდენჯერმე დაიძაბა ვითარება, რის გამოც აქციის რამდენიმე მონაწილეა დაკავებული. დაკავებულთა შორისაა „კოალიცია ცვლილებისთვის“ ერთ-ერთი ლიდერი ელენე ხოშტარია.
კომენტარები
Loading ...