რუსთაველის გამზირზე შეკრებილებს ვოლოდიმირ ზელენსკი მიმართავს

უკრაინის პრეზიდენტის ვოლოდიმირ ზელენსკის მიმართვას პარლამენტის შენობის წინ შეკრებილები ტაშითა და ოვაციებით შეხვდნენ.

ისმოდა შეძახილები – “დიდება უკრაინას”.

მოქალაქეებს ასევე მიმართეს ევროპარლამენტარებმა ანდრიუს კუბილიუსმა და რასა იუკნევიჩიენემ.

ამასთან, ამერიკის შეერთებული შტატების სახელმწიფო მდივნის ყოფილმა მოადგილემ მეთიუ ბრაიზამ.

როგორც აქციის მიმდინარეობისას გახდა ცნობილი, აქციაზე მყოფ მოქალაქეებს საქართველოს პრეზიდენტი, სალომე ზურაბიშვილიც მიმართავს.

ადგილზე იმყოფებიან მოქალაქეები, რომლებიც უკრაინას მხარდაჭერას უცხადებენ. მათ მოტანილი აქვთ საქართველოს და უკრაინის დროშები. შესრულდა საქართველოს და უკრაინის სახელმწიფო ჰიმნი.