რუსეთში ხანძარი იყო დენთის ქარხანაში სადაც “გრადისა” და “სმერჩის” რაკეტებისთვის ჭურვებს ამზადებენ

რუსეთში, პერმის დენთის ქარხანაში 1 მაისს საღამოს ხანძარი გაჩნდა, რის შედეგადაც ორი ადამიანი დაიღუპა. ამის შესახებ “რია ნოვოსტი” შრომის რეგიონულ ინსპექციაზე დაყრდნობით იუწყება.

ინსპექციაში აცხადებენ, რომ ქარხანაში „საწარმოო ხანძარი“ იყო. ერთი მუშა ადგილზე გარდაიცვალა, ორი საავადმყოფოში გადაიყვანეს, ერთი დაშავებული საავადმყოფოში გარდაიცვალა.

კომსომოლსკაია პრავდას ცნობით, ორი ქალი გარდაიცვალა. გაზეთი საწარმოს თანამშრომლის ნაამბობი მოჰყავს: „შენობა ჰაერში აფრინდა, მთელი ცხოვრება აქ დენთის პარკები გვეწყო. შენობა უბრალოდ აღარ არსებობს. სვეტა ვერც კი გაიქცა, მაგრამ გოგოები გაიქცნენ, მაგრამ ყველა დაიწვა. ოლგას სხეულის 100% დამწვრობა აქვს, საავადმყოფოშიც კი არ წაიყვანეს, მაგრამ ულიანა ცოცხალია, მას სხეულის 99% დამწვრობა აქვს“.

პერმის დენთის ქარხანა, როგორც მისი ვებ გვერდი იუწყება არის ერთ-ერთი უდიდესი რუსული საწარმო თავდაცვის ინდუსტრიაში. ისინი აწარმოებენ, ჭურვებს Grad-ისა და Smerch-ის მრავალჯერადი გაშვების სარაკეტო სისტემებისთვის, საჰაერო თავდაცვის სისტემებისთვის და სატანკო შეიარაღებისათვის, დენთს ცეცხლსასროლი იარაღისთვის.