რუსეთში, ომში ჩამორთმეული შეაიარაღების გამოფენაზე ოთხი წლის ბავშვი გარდაიცვალა

რუსეთში, კომსომოლსკ-ამურში, უკრაინაში ომის დროს ჩამორთმეული აღჭურვილობის გამოფენის დროს, ოთხი წლის ბიჭი გარდაიცვალა.

როგორც ადგილობრივი გამოცემები Komcity და DVhab წერენ, ბავშვი გამოფენაზე მამასთან ერთად მივიდა. ის ამერიკულ M113 ჯავშანტრანსპორტიორს უკნიდან მიუახლოვდა. მანქანის პანდუსი უეცრად გაიღო და ბიჭს თავში მოხვდა. მოგვიანებით ის სასწრაფო დახმარების მანქანაში ტვინის ტრავმული დაზიანების შედეგად გარდაიცვალა.

თვითმხილველების თქმით, ჯავშანტრანსპორტიორის ლუქი შესაძლოა იმიტომ გაიღო, რომ ჯავშანტრანსპორტიორში მყოფმა ერთ-ერთმა ბავშვმა ბერკეტი გადაწია. სხვა ვერსიით, კარი თავისით გაიღო.

გამოფენა კომსომოლსკ-ონ-ამურის თეატრალურ მოედანზე, 25 აპრილიდან მიმდინარეობს. სახელმწიფო პროპაგანდისტული სააგენტო „რია ნოვოსტის“ ცნობით, ღონისძიებაზე წარმოდგენილია „უკრაინის შეიარაღებული ძალებისა და ნატოს აღჭურვილობა, რომელიც რუსმა ჯარისკაცებმა სპეციალური სამხედრო ოპერაციის დროს დაატყვევეს“.

ინციდენტისა და სასწრაფო დახმარების სამსახურების მისვლის შემდეგ, ჩამორთმეული აღჭურვილობის გამოფენა ლენტით შემოღობეს.

წყარო: meduza.io