რუსეთში კატასტროფა განიცადა სამხედრო თვითმფრინავმა MIG-29. პილოტი დაიღუპა. ინფორმაცია რუსულმა სააგენტოებმა 18 აგვისტოს, ღამით გაავრცელეს რუსეთის სამხრეთის სამხედრო ოლქის პრესსამსახურზე დაყრდნობით.
სამხედრო ოლქის ოფიციალური განცხადების თანახმად, ავიაგამანადგურებელი გეგმური ფრენისას ასტრახანის ოლქში, დაუსახლებელ ადგილას, აშულუკის პოლიგონზე ჩამოვარდა. სააგენტო „ინტერფაქს“-ს ინფორმირებულმა წყარომ აცნობა, რომ წინასწარი მონაცემებით, კატასტროფა ტექნიკურმა გაუმართაობამ გამოიწვია.
ბოლო ორ დღეში რუსეთმა ორი სამხედრო თვითმფრინავი დაკარგა. 17 აგვისტოს, საწვრთნელი ფრენისას მოსკოვის ოლქში ჩამოვარდა და ხმელეთზე დაიწვა ახალი სახეობის სამხედრო-სატრანსპორტო თვითმფრინავი IL-112V. მისი ეკიპაჟის სამივე წევრი დაიღუპა. წინასწარი ვერსიით, თვითმფრინავის წვის კამერაში ზეთი მოხვდა, რამაც ძრავის აალება გამოიწვია.
Loading ...