რუსეთში იძულებით დეპორტირებული 31 უკრაინელი ბავშვი მშობლებს დაუბრუნდა.

უკრაინიდან რუსეთში იძულებით დეპორტირებული ბავშვები მშობლებს დაუბრუნდნენ. ბავშვების დაბრუნება საქველმოქმედო ორგანიზაცია „გადავარჩინოთ უკრაინის“ ორგანიზებით მოხერხდა. ისინი რუსეთიდან, ბელარუსის გავლით, უკრაინაში ჩაიყვანეს. ერთ-ერთი გადარჩენილი ბავშვი ყვება, რომ მათ „ცხოველებივით“ ექცეოდნენ და ეუბნებოდნენ, რომ მშობლებს ისინი აღარ სურდათ.

ომის დაწყების შემდეგ საოკუპაციო ძალებმა უკრაინიდან 16 000-ზე მეტი ბავშვი იძულებით რუსეთში გაიყვანეს.

გასულ თვეს სისხლის სამართლის საერთაშორისო სასამართლომ რუსეთის პრეზიდენტის, ვლადიმირ პუტინის დაკავების ორდერი გასცა ბავშვთა უკანონო დეპორტაციისა და სამხედრო დანაშაულებისთვის.