რუსეთში ავტომობილ “მოსკვიჩის” სერიული წარმოება განაახლეს

“მოსკვიჩის” საავტომობილო  ქარხანამ მსუბუქი ავტომობილების სერიული წარმოება განაახლა, იუწყება ინტერფაქსი.

პირველი მოდელი, რომელიც კონვეიერზე დააყენეს არის Moskvich 3 – ფაქტობრივად, ეს არის ჩინური JAC JS4-ის ვერსია ახალი ბრენდის ქვეშ. მისი გაყიდვების დაწყება წლის ბოლოს იგეგმება.

გახსნის ცერემონიას მოსკოვის მერი სერგეი სობიანინი და ვიცე-პრემიერი დენის მანტუროვი დაესწრნენ.
როგორც ადრე იტყობინებოდნენ, წლის ბოლომდე დაგეგმილია 600 მანქანის წარმოება.

ადრე მოსკოვის საავტომობილო ქარხანა რენოს ეკუთვნოდა. უკრაინაში ომის დაწყების შემდეგ კომპანიამ გამოაცხადა რუსული ბაზრიდან გასვლის შესახებ და ქარხანა სახელმწიფოს გადასცა.

ზაფხულში კომპანია Kamaz-მა, რომელიც მონაწილეობს “მოსკვიჩის” თავიდან ამუშავებაში, განაცხადა, რომ ამ ბრენდის ქვეშ ხუთი მოდელის წარმოება იყო დაგეგმილი: ოთხი კროსოვერი და ერთი სედანი.

წყარო: meduza.io