რუსეთმა უკრაინაში ტყვედ ჩავარდნილი 10 უცხოელი გაათავისუფლა

რუსეთმა საუდის არაბეთის პრინცის, მუჰამედ ბინ სალმანის შუამავლობით, უკრაინაში საბრძოლო მოქმედებების დროს ტყვედ ჩავარდნილი 10 უცხოელი გაათავისუფლა. საუდის არაბეთში თვითმფრინავით ჩამოვიდა ბრიტანეთის ხუთი მოქალაქე, ორი ამერიკელი, მაროკოელი, შვედი და ხორვატი. გათავისუფლებულთა შორის არიან ბრიტანელები შონ პინერი და ეიდენ ესლინი, ასევე მაროკოს მოქალაქე ბრაჰიმ საადუნი. ივნისში, თვითგამოცხადებული “დონეცკის სახალხო რესპუბლიკის” სასამართლომ მათ სიკვდილი მიუსაჯა. გავრცელდა ფოტო და ვიდეო მასალები სადაც ჩანს, გათავისუფლებული ტყვეები როგორ ჩამოდიან თვითმფრინავიდან და ხელს ართმევენ საუდის არაბეთის ჩინოვნიკებს.

წყარო: Meduza