რუსეთის თავდაცვის სამინისტრომ პირველად დაადასტურა უკრაინაში მიმდინარე საბრძოლო მოქმედებებში ახალწვეულების მონაწილეობა. სამინისტროს პრესსპიკერმა იგორ კონაშენკოვმა 9 მარტს განაცხადა, რომ „ზოგიერთი ახალწვეული“ ტყვედ აიყვანა უკრაინის შეიარაღებულმა ძალებმა და დასძინა, რომ ამჟამად „თითქმის ყველა ახალწვეული“ გაიწვიეს უკრაინის ტერიტორიიდან.
რუსეთის ხელისუფლების მაღალი რანგის წარმომადგენლები, მათ შორის პრეზიდენტი ვლადიმირ პუტინი, დაბეჯითებით აცხადებდნენ, რომ უკრაინაში შეჭრაში არ მონაწილეობენ ახალწვეულები და აღნიშნავდნენ, რომ იქ მხოლოდ დაქირავებული ჯარისკაცები იბრძვიან.
მაგრამ უკრაინამ ინტერნეტში გამოაქვეყნა მრავალი ვიდეო, რომლებშიც ჩანს ტყვედ აყვანილი რუსეთის ჯარისკაცები, რომელთაგან ბევრი 18-20 წლის ახალწვეულია.
კომენტარები
Loading ...