შსს-ს განცხადებით, სასაზღვრო-გამტარ პუნქტ დარიალში მგზავრთა ნაკადი მნიშვნელოვნად შემცირდა. ასევე, შემცირდა საქართველოს ყველა სასაზღვრო გამშვებ პუნქტში რუსეთის ფედერაციის მოქალაქეთა მიერ საზღვრის კვეთის რაოდენობა.
21 სექტემბერს პუტინმა რუსეთში მობილიზაცია გამოაცხადა — ამტკიცებდა, რომ ნაწილობრივი იყო და არა საყოველთაო, მხოლოდ სამხედრო გამოცდილების მქონე პირებს შეეხებოდათ, თუმცა ვრცელდება ინფორმაციები, რომ მიჰყავთ ყველა, ვისაც აგნებენ.
- ამის გამო რუსეთის მოქალაქეები ქვეყნიდან გარბიან — საზღვრებთან, მათ შორის, საქართველოში, რამდენიმეკილომეტრიანი რიგები იყო და ათასობით რუსი შემოდიოდა.
- სამოქალაქო საზოგადოება და ოპოზიცია რუსების უკონტროლო შემოდინებაში საფრთხეს ხედავს და საზღვრის ჩაკეტვას მოითხოვდა.
მობილიზაციის გამოცხადების შემდეგ, საქართველოში რუსეთიდან საზღვრის კვეთის მაჩვენებელმა წინა დღეებთან შედარებით 40-45%-ით მოიმატა. მაგალითად: 21 სექტემბერს საქართველოს საზღვარი ყველა გამშვები პუნქტიდან გადმოკვეთა 6 402-მა და გადაკვეთა 6 011-მა რუსმა.
- 22 სექტემბერს: 6 150 — 6 050;
- 23 სექტემბერს: 9 307 — 6 214;
- 24სექტემბერს: 9 330 — 6 249;
- 25 სექტემბერს: 11 143 — 5 519;
- 26 სექტემბერს: 10 804 — 4 947.
განახლებული სტატისტიკა: შსს-ს განცხადებით, 28 სექტემბრის 10:00 სთ-დან 29 სექტემბრის 10:00 სთ-მდე საქართველოს საზღვარი ყველა სასაზღვრო-გამშვები პუნქტის გავლით გადმოკვეთა რუსეთის ფედერაციის 9 642-მა მოქალაქემ და გავიდა 5 448.
- ხოლოდ 29 სექტემბრის 10:00 სთ-დან 30 სექტემბრის 10:00 სთ-მდე — 6 109 მოქალაქე შემოვიდა და დატოვა 5 186-მ.
- მათივე თქმით, სასაზღვრო გამშვებ პუნქტ დარიალში სატვირთო და მსუბუქი ავტომობილების გატარება ჩვეულ რეჟიმს დაუბრუნდა, რის შედეგადაც ბოლო დღეებში შეფერხებული სატრანზიტო ავტომიმოსვლა სრულად აღდგა.
Loading ...