რუსეთთან აღდგენილი ფრენები და პროტესტი საზოგადოებაში – რა საფრთხეებს ხედავენ მოქალაქეები

19 მაისს რუსული ავიაკომპანია ‘’აზიმუტის’’ თვითმფრინავი მოსკოვიდან გამოფრინდა და დაახლოებით 13 საათსა 30 წუთზე თბილისის აეროპორტში დაჯდა.

რუსეთთან ფრენების აღდგენას საქართველოში მნიშვნელოვანი წინააღმდეგობა მოჰყვა, პირველ რეისს აეროპორტში საზოგადოება საპროტესტო აქციით დახვდა და აღნიშნული მარშრუტი ამ დრომდე მძლავრი პროტესტის თემაა.

საჰაერო მიმოსვლის აღდგენას პროტესტით შეხვდნენ რეგიონებშიც. მათ შორის ოზურგეთში გაიმართა აქცია, რომელიც სამოქალაქო მოძრაობამ ‘’თავისუფლებისთვის’’ დააორგანიზა და ხელისუფლება ევროატლანტიკური კურსიდან უხეშ გადახვევაში დაადანაშაულა.

მიუხედავად იმისა, რომ საზოგადოების დიდი ნაწილი რუსეთთან ფრენების აღდგენას ეწინააღმდეგება, მოქალაქეების გარკვეულ რაოდენობას ამ ფაქტის ბოლომდე ნეგატიურად აღქმა უჭირს.

რუსეთთან ფრენების აღდგენამ საზოგადოებაში სხვადასხვა მოძრაობის ფორმირებაც გამოიწვია, ერთ–ერთია სამოქალაქო მოძრაობა სახელწოდებით ‘’მაისის მოძრაობა’’,  რომელიც სპონტანურად, ფრენის აღდგენის მოწინააღმდეგე, ერთმანეთისთვის უცნობი მოქალაქეებით დაკომპლექტდა და რომლის წევრებიც ამ საჰაერო მიმოსვლის აღდგენას საქართველოს პოლიტიკური კურსისთვის უკიდურესად სახიფათოდ მიიჩნევენ და არ გამორიცხავენ საქართველოს დასანქცირებასაც.

„ეს ვიდეო  შექმნილია კამპანია „ეს ქვეყანა შენიას“ ფარგლებში, რომელსაც ახორციელებს სამოქალაქო საზოგადოების ინსტიტუტი ევროკავშირისა და კონრად ადენაუერის ფონდის მხარდაჭერით. მის შინაარსზე სრულად პასუხისმგებელია <მედია-საშუალება> და შესაძლოა, რომ იგი არ გამოხატავდეს სამოქალაქო საზოგადოების ინსტიტუტის, ევროკავშირისა და კონრად ადენაუერის ფონდის შეხედულებებს.“