რუსულმა ძალებმა დონეცკის ოლქის ბახმუტის რაიონი დაბომბეს, რის შედეგადაც მრავალსართულიანი შენობა დაინგრა, – ინფორმაციას უკრაინული მედია დონეცკის საოლქო-სამხედრო ადმინისტრაციის ხელძღვანელ პაველ კირილენკოზე დაყრდნობით ავრცელებს.
მისი თქმით, მაშველები ნანგრევების ქვეშ ადამიანებს ეძებენ.
„რუსებმა ბახმუტში მრავალსართულიანი შენობა დაანგრიეს. წინასწარი ინფორმაციით, ნანგრევების ქვეშ შესაძლოა ოთხი ადამიანი იმყოფებოდეს. ადგილზე საგანგებო სიტუაციების სამსახურებია მობილიზებული“, – აღნიშნა გუბერნატორმა.
მისივე თქმით, რუსებმა ტორეცკში საავადმყოფოზე თავდასხმა განახორციელეს, რის შედეგადაც შენობის ნაწილი დაზიანდა და ერთი ადამიანი დაშავდა.
„რუსების ყველა დანაშაული გულმოდგინედ არის დოკუმენტირებული. ყველაფერზე პასუხს აგებენ“, – აცხადებს კირილენკო.
კომენტარები
Loading ...