რომელ სერვისზე/ მომსახურებაზე გაიზარდა ფასები დეკემბერში

დეკემბერში საქართველოში წლიური ინფლაცია 9.8% იყო. წინა თვეებთან შედარებით წლიური ინფლაციის დონე შემცირებულია, თუმცა ის სამიზნე 3%-ს მაინც სამჯერ აღემატება.

დეკემბერში ფასი არცერთ სერვისსა და მომსახურებაზე არ შემცირებულა. სამომხმარებლო საქონლის და სერვისების უმეტესობა გაძვირებულია, თუმცა 305 ინდიკატორს შორის, რომლითაც საქსტატი ინფლაციის მაჩვენებელს ადგენს, 50-ზე მეტი პროდუქტი გაიაფებულია. ფასის შემცირება ძირითადად მედიკამენტებსა და სამოსს შეეხო. გასულ თვეში 85 საკვები პროდუქტიდან 79 გაძვირდა და მხოლოდ 6 გაიაფდა.

,,ბიზნესპრესნიუსი” გთავაზობთ იმ მომსახურების ჩამონათვალს, რომელზეც ფასები 2022 წლის დეკემბერში წინა წლის ანალოგიურ პერიოდთან შედარებით ყველაზე მეტად გაიზარდა.

• საქალაქთაშორისო ტელეფონის გადასახდელი – 101%
• სანოტარო გადასახდელი – 96%
• ასლის გადაღება – 59%
• ბინის დაქირავების ღირებულება – 37%
• საგარეუბნო ავტობუსით მგზავრობა – 34%
• მუზეუმის ბილეთი – 30.5%
• ავტომობილის რეცხვის გადასახდელი – 19.4%
• თერაპევტის კონსულტაცია – 19.2%
• ძიძის მომსახურების ღირებულება – 15.7%
• საბავშვო ბაღის გადასახადი – 14.2%

შეგახსენებთ, ქვეყანაში წლიური ინფლაციის დონე 305 სამომხმარებლო პროდუქტის ფასებით იზომება. ამ პროდუქტებს შორისაა სურსათი, სხვადასხვა სერვისი, გართობის, დასვენების და სხვა აქტივობების ფასები.

www.bpn.ge