პედაგოგის ეროვნულ ჯილდოზე ოზურგეთიდან 13 პედაგოგი წარადგინეს. აღნიშნულთან დაკავშირებული ღონისძიება ოზურგეთის დრამატულ თეატრში შედგა, სადაც განათლების, მეცნიერების და ახალგაზრდულ საქმეთა მინისტრის მოადგილე თამარ მახარაშვილი ოზურგეთელ პედაგოგებს შეხვდა. ასევე, ამავე შეხვედრაზე ოზურგეთის მუნიციპალიტეტის მერიამ დააჯილდოვა ხუთი ღვაწლმოსილი პედაგოგი:
ნათია ნიკოლაიშვილი – N 1 საჯარო სკოლა; იზოლდა სიხარულიძე – N 2 საჯარო სკოლა; ლილი გაბეჩავა – ლაითურის საჯარო სკოლა; ჯულიეტა ჯულაყიძე – შემოქმედის საჯარო სკოლა; რუსუდან მახარაძე – ცხემლისხიდის საჯარო სკოლა. ხუთივე პედაგოგს განათლების მინისტრმა გივი მიქანაძემ , მომავალი თაობის აღზრდასა და განათლებაში შეტანილი განსაკუთრებული წვლილისთვის მადლობის სიგელი გადასცა.
შეხვედრას ასევე ესწრებოდნენ სამხარეო და ადგილობრივი ხელისუფლების წარმომადგენლები, საგანმანათლებლო რესურსცენტრის ხელმძღვანელი და საჯარო სკოლის დირექტორები.
Loading ...