შეფასებისა და გამოცდების ეროვნულმა ცენტრმა 2023 წლის არჩევითი საგნების სტატისტიკა გამოაქვეყნა, რომლის მიხედვითაც ისტორია კვლავ ლიდერობს და იგი 22 200-მდე აბიტურიენტმა აირჩია.
უფრო ვრცლად 2023 წლის არჩევითი საგნების სტატისტიკა აბიტურიენტთა არჩევანის მიხედვით ასე გამოიყურება:
- ისტორია აირჩია 22 200-მდე აბიტურიენტმა;
- მათემატიკა – 15 700-ზე მეტმა აბიტურიენტმა;
- ბიოლოგია – 3 600-ზე მეტმა აბიტურიენტმა;
- ქიმია – 2 600-ზე მეტმა აბიტურიენტმა;
- გეოგრაფია – 2 200-ზე მეტმა აბიტურიენტმა;
- ფიზიკა – 700-მდე აბიტურიენტმა;
- ლიტერატურა – 1 300-მდე აბიტურიენტმა;
- სამოქალაქო განათლება – 2 000-ზე მეტმა აბიტურიენტმა;
- სახვითი და გამოყენებითი ხელოვნება კი 300-ზე მეტმა აბიტურიენტმა აირჩია.
შეფასებისა და გამოცდების ეროვნული ცენტრის ინფორმაციით, წელს ერთიანი ეროვნული გამოცდებისათვის 45 000-ზე მეტმა აბიტურიენტმა გაიარა რეგისტრაცია.
შეგახსენებთ, რომ ერთიან ეროვნულ გამოცდებში მონაწილეებს საგანმანათლებლო პროგრამების ჩამონათვალში ცვლილებების შეტანა აპელაციის შედეგების გამოქვეყნების მომდევნო დღემდე შეეძლებათ. კონკრეტული რიცხვი აგვისტოს თვეში გამოქვეყნდება.
კომენტარები
Loading ...
