როდის დაიწყება და სადამდე გასტანს საგაზაფხულო და სააღდგომო არდადეგები სკოლებში

განათლებისა და მეცნიერების სამინისტროს ინფორმაციით, სკოლებში საგაზაფხულო არდადეგები 8 მარტიდან დაიწყება და 14 მარტის ჩათვლით გაგრძელდება. სააღდგომოდ კი მოსწავლეები 14 აპრილიდან 17 აპრილის ჩათვლით დაისვენებენ.

რაც შეეხება სასწავლო წლის დასასრულს, ოფიციალურად 15 ივნისია განსაზღვრული. თუმცა, მე-12 კლასი 20 მაისს, პირველი კლასი კი – 27 მაისს დაასრულებს სწავლას. თუ აღნიშნული თარიღები უქმე დღეს დაემთხვევა, მაშინ სწავლა წინა სამუშაო დღეს სრულდება. 2023 წელს 20 და 27 მაისი შაბათი დღეა, შესაბამისად, მე-12 კლასი სწავლას 19 მაისს, ხოლო პირველი კლასი, 25 მაისს დაასრულებს, რადგანაც 26 მაისი ოფიციალურად უქმე დღეა.

2022-2023 სასწავლო წლის დასრულებამდე შემდეგი უქმე დღეები დარჩა:

• 3 მარტი – დედის დღე
• 8 მარტი – ქალთა საერთაშორისო დღე
• 9 აპრილი – საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღე.
• 9 მაისი – ფაშიზმზე გამარჯვების დღე
• 12 მაისი – ანდრია პირველწოდებულის ხსენების დღე, ყოვლადწმინდა ღვთისმშობლისადმი საქართველოს წილხვდომილობის დღე
• 26 მაისი – საქართველოს დამოუკიდებლობის დღე