„პიროტექნიკის აკრძალვას თუ არ ჩავთვლით, წინასაახალწლო პროცესი ჩვეულ რეჟიმში მიმდინარეობს“ – ამის შესახებ „ლილო მოლის“ გენერალურმა დირექტორმა, გიორგი კვარაცხელიამ „ბიზნესპრესნიუსს“ განუცხადა.
მისი თქმით, სავაჭრო სივრცეში წინასაახალწლოდ ტრადიციული ხალხმრავლობაა.
„არსებული მდგომარეობა „ლილო მოლზე“ ნაკლებად აისახება, რადგან წინასაახალწლო პერიოდია, ბევრი ხალხია და პიროტექნიკის რეალიზაციის აკრძალვას თუ არ ჩავთვლით, ყველაფერი ჩვეულ რეჟიმში მიმდინარეობს“,- განაცხადა მან.
გიორგი კვარაცხელიას თქმით, მისთვის უცნობია, დაუშვებენ თუ არა პიროტექნიკის გაყიდვას ახალ წლამდე.
„სამწუხაროდ, ეგ ჩემზე არ არის დამოკიდებული და შესაბამისად, დაახლოებითაც ვერ გეტყვით ვადას, როდის შეიძლება ეს შეზღუდვა მოიხსნას“, – აღნიშნა გიორგი კვარაცხელიამ.
შეგახსენებთ, რომ ქვეყნის მასშტაბით, მაღაზიებში პიროტექნიკის საწყობების დალუქვა მას შემდეგ დაიწყო, რაც აქციის მონაწილეებმა მისი გამოყენება რობოკოპებისა და სამართალდამცავების მიმართულებით, დარბევის შემდეგ დაიწყეს. შემოსავლების სამსახურის განმარტებით კი, საწყობების დახურვა „საგადასახადო საიდუმლოებას უკავშირდება“.
უკვე 23 დღეა არა მხოლოდ თბილისში, რეგიონებშიც საპროტესტო აქციები მიმდინარეობს. ამის მიზეზი პრემიერ მინისტრის განცხადება გახდა, რომლის მიხედვითაც მთავრობა ევროკავშირის მხრიდან ყოველგვარ საბიუჯეტო გრანტზე 2028 წლის ბოლომდე უარს ამბობს. როგორ ირაკლი კობახიძემ აღნიშნა, ამავე პერიოდამდე შეჩერებულია ევროკავშირთან მოლაპარაკებების გახსნის საკითხიც.
www.bpn.ge
Loading ...