თბილისი ენერჯი განცხადებას ავრცელებს და აცხადებს, რომ ქსელიდან გათიშული აბონენტებისთვის ბუნებრივი გაზის მიწოდება ხვალ, დილის 08:00 საათიდან განახლდება.
განცხადების თანახმად, გაზის მიწოდება 15:00 საათზე სრულად აღდგება ვაკეში, 22:00 საათამდე კი საბურთალოზე.
“ამ დროისთვის სრულად ჩართულია დიდუბე-დიღომი. ვაკის რაიონის უდიდესი ნაწილი. საბურთალო-ნუცუბიძეზე 57096 აბონენტს აღუდგა ბუნებრივი გაზის მიწოდება. უსაფრთხოების ნორმებიდან გამომდინარე გვიან ღამე ბუნებრივი გაზის ჩართვა ქსელში არ შეიძლება.
გთხოვთ, არ დატოვოთ გაზის დანადგარები და გაზის ცენტრალური ონკანები ღია მდგომარეობაში. ეს დაგვეხმარება გაზმომარაგების დროულად აღდგენაში”, – ნათქვამია თბილისი ენერჯის განცხადებაში.
9 თებერვალს კომპანიამ გაავრცელა განცხადება, სადაც ნათქვამი იყო, რომ დაუდგენელი მიზეზის გამო, სავარაუდოდ, მესამე პირის ჩარევის შედეგად, დაზიანდა ცენტრალური 500-მილიმეტრიანი გაზსადენი, რომელიც ამარაგებს ვაკე-საბურთალოს.
Loading ...
