როდიდან შეუდგება თავისი უფლებამოსილების განხორციელებას ოზურგეთის ახალი მერი

მუნიციპალიტეტში თავისი უფლებამოსილების განხორციელებას ოზურგეთის მერი 24 ნოემბრიდან შეუდგება.

ავთანდილ თალაკვაძე ოზურგეთის მუნიციპალიტეტის საკრებულოს ახლადარჩეულ წევრებს და თანაგუნდელებს შეხვდა, სადაც შემდეგი ორი კვირის სამუშაო საკითხები და გეგმები განიხილეს. “სრული მზადყოფნაა შევუდგეთ მუშაობას ჩვენი პროგრამის და დაპირებების განხორციელებისთვის. 24 ნოემბრიდან მუნიციპალიტეტის მართვას ოფიციალურად გადმოვიბარებთ”- განაცხადა ოზურგეთის მერმა, ავთანდილ თალაკვაძემ.