დღეს პარლამენტში მომხდარ ინციდენტთან დაკავშირებით, რომლის დროსაც ”ქართული ოცნების” დეპუტატმა ალუდა ღუდუშაურმა ანი წითლიძეს შეურაცხმყოფელი ფრაზებით მიმართა, ნიკა მელია ფეისბუქზე პოსტს აქვეყნებს.
”მაქვს ძალიან კონკრეტული კითხვა ნაციონალურ მოძრაობასთან, მის მენეჯმენტთან და განსაკუთრებით მამაკაც დეპუტატებთან;
როდესაც ოპოზიციონერ ქალ დეპუტატებს აყენებენ ენით აღუწერელ შეურაცხყოფას, პირდაპირ ეთერში, რა ძალა, რა მისია ან რა ვალდებულება გაჩერებთ მანდ, მშვიდად და წყნარად როგორ ან რა მიზნით სხედხართ?
და ვინმემ არ თქვას ახლა, დეპუტატის მანდატი მიშას მოსანახულებლად გვჭირდებაო, ამ უფლებას რომ არ გაყენებინებენ ხომ ხედავთ?!
12 პუნქტის შესრულებაც მოიხსნა დღის წესრიგიდან, არა შედეგის, არამედ უშედეგობის გამო; საგამოძიებო კომისიებიც ვერ შეიქმნა.
პარლამენტში ყოფნა დღეის მდგომარეობით, რომ კონსტიტუციის ფარგლებს მიღმა მყოფი ოცნების ლეგიტიმაციაა, ეს ფაქტია, უბრალოდ პარლამენტში თუ ხართ, ღირსება მაინც გამოავლინეთ, რაიმე სიტუაციაში.” – წერს მელია.
შეგახსენებთ, რომ დღეს უმრავლესობის დეპუტატმა ალუდა ღუდუშაურმა ოპოზიციის წევრს ანი წითლიძეს შეურაცხმყოფელი გამონათქვამებით მიმართა.
“შენ ხარ ბანძი, ჩვეულებრივი ბანძი-ქალა ხარ. არ გეტყვი იმას. იმ ქალების ჩამონათვალშიც ვერ ჯდები, ვინც სააკაშვილს ევასებოდა და დაწყნარდი ეხლა, წადი შე ბანძო გაიარე, ფარჩაკი ბანძი ესა”– მიმართა ღუდუშაურმა წითლიძეს.
კომენტარები
Loading ...