სტომატოლოგიური პროცედურების თავისებური მახასიათებლების გამო, რაც გულისხმობს დიდი რაოდენობით წვეთების და აეროზოლების წარმოქმნას და გამოყოფას, აღნიშნული საქმიანობა შედის ინფექციის გავრცელების მაღალი რისკის ჯგუფში. კორონავირუსის გავრცელების პრევენციისა და კონტროლის მიზნით სტომატოლოგიური სერვისის მიმწოდებელი დაწესებულებებისთვის ჯანდაცვის სამინისტრომ საქართველოს სტომატოლოგთა ასოციაციის ჩართულობით შეიმუშავა რეკომენდაციები, რომელიც ამა წლის 25 მარტს გამოიცა ბრძანების სახით და მისი შესრულება სავალდებულოა.
1. არ განახორციელონ გეგმიური სტომატოლოგიური მომსახურება 2020 წლის 1 მაისამდე.
2. არ იქნას გამოყენებული მაღალი სიხშირის ტურბინული ბუნიკები, ულტრაბგერითი და ჰაერ-ჭავლური აპარატები. შესაბამისად არ ჩატარდეს სტომატოლოგიური მანიპულაციები, რომლის დროსაც გამოიყოფა წვეთები და აეროზოლები.
3. რესპირატორული დაავადების კლინიკური სიმპტომების (ხველა, ქოშინი,მაღალი ტემპერატურა და კორონა ვირუსისთვის დამახასიათებელი სხვა ნიშნები) არსებობისას განხილული იქნას სამედიცინო მომსახურების გადავადების შესაძლებლობა პაციენტის გამოჯანმრთელებამდე.
3. სტომატოლოგიური მომსახურება უნდა ხდებოდეს ერთ სავარძლიან კაბინეტში, მჭიდროდ დახურული კარის პირობებში.
5. მანიპულაციის დაწყებამდე პაციენტმა უნდა გამოივლოს პირის ღრუს ანტისეპტიკური სავლები.
6. რენტგენოლოგიური კვლევის საჭიროებისას გამოყენებულ იქნეს ექსტრაორალური რენტგენები (ორთოპანტომოგრაფია, კომპიუტერული ტომოგრაფია)
7.დაწესებულებაში მყოფი ყველა პირი ატარებს ქირურგიულ ნიღაბს, რომელიც უნდა შეიცვალოს ველა პაციენტის შემდეგ. რესპირატორული ინფექციის სიმპტომის მქონე პაციენტის გასინჯვის დროს სტომატოლოგი უნდა იყოს აღჭურვილი ინდივიდუალური დაცვის საშუალებებით: —ერთჯერადი რესპირატორი#95 ან ქირურგიული ნიღაბი —-ერთჯერადი სამედიცინო ხელთათმანი —-ერთჯერადი წყალგაუმტარი სამედიცინო ხალათი —-თვალის დამცავი საშუალებები (ინდივიდუალური დაცვის სათვალე, სახის ფარი) —-ბახილები.
რესპირატორი #95 გამოყენება სავალდებულოა აეროზოლების რისკის წარმოქმნასთან დაკავშირებული მანიპულაციების ჩატარებისას, დაუშვებელია რესპირატორის ხელმეორედ გამოყენება. მისი ტარებისას და მოხსნისა არ უნდა შეეხოთ მის გარე ზედაპირს.
ყოველი პაციენტის მიღების შემდეგ კრიტიკულად მნიშვნელოვანია მოხდეს ყველა ზედაპირის დამუშავება ანტისეპტიკებით, საფუძვლიანი დეზინფექცია, ეპიდემიოლოგიური სურათის გათვალისწინებით, რეკომენდაციები და ვალდებულებები შეიძლება ყოველდღიურად შეიცვალოს. საქართველოს სტომატოლოგთა ასოციაციის გურიის რეგიონალური ორგანიზაცია ყოველთვის მოგაწვდით ახალ რეკომენდაციებს. გისურვებთ ჯანმრთელობას პატივისცემით საქართველოს სტომატოლოგთა ასოციაციის გურიის რეგიონული ორგანიზაციის ხელმძღვანელი გია სიხარულიძე.
Loading ...