როგორ შევიძინოთ კრიპტო: დეტალური სახელმძღვანელო

მეტი ხალხის მიერ ციფრულ ვალუტებში ინვესტირებით ან მათი გადახდის მეთოდებად გამოყენებით კრიპტო ვალუტები პოპულარობას იძენენ. ამასთან, დიდი ბიზნესები იღებენ კრიპტოვალუტით გადახდებს, რაც უფრო და უფრო მეტ დანერგვას განაპირობებს. ბაზრის დინამიკური ბუნების გათვალისწინებით, კრიპტო ვალუტის კურსი არის ის, რაზეც თვალყურის დევნება შესაძლოა პოტენციური ინვესტორებისთვის სასარგებლო იყოს. ამრიგად, ბევრს უნდა შეიტყოს თუ როგორ იყიდონ Bitcoin და სხვა კრიპტოები. ამ სტატიაში შეიტყობთ ყველა შესაძლო გზას, თუ როგორ შეიძინოთ კრიპტოვალუტები.

საყურადღებო ასპექტები კრიპტოვალუტების შეძენამდე

ციფრული ვალუტების შეძენამდე მნიშვნელოვანია რამდენიმე ფაქტორის ანალიზი. ამასთან, არსებობს საკვანძო საკითხები, რომლებიც უნდა გახსოვდეთ. ეს მოიცავს კრიპტოვალუტისა (ტექნიკური დოკუმენტი, პროექტი და სხვა) და ბაზრის შესწავლას, შესაფერისი ბიუჯეტის განსაზღვრას, რისკების მართვასა და საიმედო კრიპტოვალუტის ბირჟის შერჩევას.

თავდაპირველად განახორციელეთ კვლევა. კრიპტოვალუტები მრავალი ასპექტით განსხვავდება ერთმანეთისგან, როგორიცაა ტექნოლოგია და ზრდის პოტენციალი. კრიტიკულია გვესმოდეს საფუძვლები, როგორიცაა არსებული ტექნოლოგია, კრიპტოვალუტის უკან მდგომი გუნდი, მისი დანერგვის კურსი და კონკურენტუნარიანობა. ასევე, საბაზრო მდგომარეობებისა და ტრენდების შესწავლა შეიძლება დაგეხმაროთ პოტენციური საფრთხეებისა და შესაძლებლობების დადგენაში.

შემდეგ, კრიპტოვალუტებში ინვესტირებამდე, განსაზღვრეთ ბიუჯეტი. კრიპტო ბაზარი არასტაბილურია, თან ახლავს ექსტრემალური ფასთა ცვლილებები. უმნიშვნელოვანესია გადაწყვიტოთ, თუ რა თანხის ინვესტირებას აპირებთ კრიპტოვალუტების შესაძენად. ასევე, კიდევ უფრო მნიშვნელოვანია, თუ რა ოდენობის დაკარგვისთვის ხართ მზად. ბიუჯეტი იძლევა ნაჩქარევი გადაწყვეტილებების თავიდან არიდებას და გარანტიას, რომ არ მოახდენთ შესაძლებლობებს მიღმა ოდენობის ინვესტირებას.

რისკის მართვაც უმნიშვნელოვანესია. კრიპტოვალუტის ინვესტიციებს ახლავს რისკები, როგორიცაა მარეგულირებელი ცვლილებები, საბაზრო არასტაბილურობა და კიბერუსაფრთხოების საკითხები. რისკების შემცირებაში შესაძლოა ხელი შეგიწყოთ თქვენი საინვესტიციო პორტფელის სხვადასხვა კრიპტოვალუტაში დივერსიფიცირებამ. უმჯობესია მყარად ფესვგადგმულ და პერსპექტიულ კრიპტოვალუტებში ინვესტირება.

ასევე კრიტიკულია, რომ შეარჩიოთ საიმედო და სანდო ბირჟა სოლიდური უსაფრთხოების სისტემით, როგორიცაა ორფაქტორიანი ავთენტიფიკაცია, კრიპტოს ცივად შენახვა და დადებითი რეპუტაცია. შეგიძლიათ დაიწყოთ გამოხმაურებების წაკითხვით, მომხმარებელთა კომენტარების მონიტორინგითა და პლატფორმის მარეგულირებელ ნორმებთან შესაბამისობის მხედველობაში მიღებით.

მეტიც, ბირჟას უნდა ახასიათებდეს მაღალი ლიკვიდურობა. ლიკვიდურობა უზრუნველყოფს, რომ შეგიძლიათ კრიპტოვალუტის გაყიდვა და შეძენა მნიშვნელოვანი ფასის ცვლილებების გარეშე. მაღალი ტრეიდინგ მოცულობის მქონე პლატფორმა და მხარდაჭერილი კრიპტოვალუტების მრავალფეროვნება უზრუნველყოფს ლიკვიდურობას და აუმჯობესებს თქვენს ტრეიდინგ გამოცდილებას.

კრიპტოვალუტების შეძენის ნაბიჯ-ნაბიჯ სახელმძღვანელო

ახლა მოდით ვკონცენტრირდეთ კირპტოს შეძენის დამწყების სახელმძღვანელოზე და იმაზე, თუ რა დაგჭირდებათ. ბირჟაზე კრიპტოვალუტების შესაძენად რამდენიმე ნაბიჯია საჭირო:

• კრიპტო საფულის არჩევა და დაყენება.
• ბირჟის შერჩევა.
• ბირჟაზე ანგარიშის შექმნა და ვერიფიცირება.
• ფინანსების დეპოზიტი და კრიპტოს შეძენა.
• კრიპტოს საკუთარ კრიპტო საფულეზე გადარიცხვა.

ახლა კი პირდაპირ გადავიდეთ საკითხზე, თუ როგორ დავიწყოთ კრიპტოვალუტების შეძენა.

კრიპტო საფულის არჩევა და დაყენება

კრიპტო საფულე საშუალებას გაძლევთ უსაფრთხოდ განათავსოთ, გაგზავნოთ და მიიღოთ კრიპტოვალუტა. არსებობს კრიპტოვალუტის საფულეების ორი ტიპი: პროგრამული საფულეები (დესკტოპ, მობილური ან ვებზე დაფუძნებული) და აპარატული საფულეები (ფიზიკური მოწყობილობები). ასევე არსებობს ქაღალდის საფულეები, თუმცა ისინი არაა უსაფრთხო, ამრიგად ამ საკითხს აღარ ჩავუღრმავდებით.

მოახდინეთ საფულეების ანალიზი და აირჩიეთ თქვენი მოთხოვნილებების შესაბამისად უსაფრთხოების, გამოყენებადობისა და მხარდაჭერილი კოინების გათვალისწინებით. შენიშვნა: აპარატული საფულეები უფრო უსაფრთხოა, თუმცა რთულია დამწყებთათვის გამოსაყენებლად. პროგრამულ საფულეებს მომხმარებელზე ორიენტირებული ინტერფეისები აქვთ, თუმცა ისეთივე უსაფრთხო არაა, რადგანაც ქსელთანაა დაკავშირებული.

საფულის პარამეტრების დასაყენებლად მიჰყევით საფულის პროვაიდერის მიერ მოწოდებულ ინსტრუქციებს. ეს პროცესი მოიაზრებს უნიკალური საფულის მისამართის შექმნას და იცავს თქვენს საფულეს ძლიერი პაროლითა და აღდგენის ფრაზით.

ბირჟის შერჩევა

აირჩიეთ საიმედო კრიპტოვალუტის ბირჟა კარგი რეპუტაციითა და სოლიდური უსაფრთხოების სისტემით. მხედველობაში იქონიეთ მომხმარებელთა გამოხმაურება, უსაფრთხოების ასპექტები (როგორიცაა ორფაქტორიანი ავთენტიფიკაცია), მარეგულირებელი შესაბამისობა (AML და KYC და მხარდაჭერილი კრიპტოვალუტები.

შეამოწმეთ აქვს თუ არა ბირჟას სოლიდური რეპუტაცია მომხმარებელთა ფინანსების დასაცავად და ხომ არ ჰქონია რაიმე მნიშვნელოვანი უსაფრთხოების დარღვევა. დარღვევის შემთხვევაში, შეამოწმეთ როგორი რეაგირება ჰქონდა მასზე კომპანიას და რა ცვლილებები განხორციელდა რეციდივის აღმოფხვრის უზრუნველსაყოფად.

ბირჟაზე ანგარიშის შექმნა და ვერიფიცირება

კრიპტოვალუტების ყიდვისა და გაყიდვისთვის დაარეგისტრირეთ ანგარიში შერჩეულ ვებსაიტზე. შეიყვანეთ მოთხოვნილი ინფორმაცია, როგორიცაა თქვენი ელფოსტის მისამართი, მომხმარებლის სახელი და პაროლი. ბირჟები მოითხოვენ, რომ კლიენტებმა AML და KYC სახელმძღვანელოების შესაბამისად გაიარონ ვერიფიკაციის პროცედურა. ამრიგად, უნდა გაგზავნოთ თქვენი ID ან  სახელმწიფოს მიერ გაცემული სხვა დასკანერებული დოკუმენტი თქვენი იდენტობის დასადასტურებლად. ვერიფიკაციის გავლის შემდეგ შეგიძლიათ ბირჟაზე ტრანზაქციების განხორციელება.

ფინანსების დეპოზიტი და კრიპტოს შეძენა

საბალანსო ანგარიშზე დეპოზიტისთვის შედით სექციაში „დეპოზიტი“ ან „ფინანსები“. აირჩიეთ შესატანი ფიატ ვალუტა და გადახდის მეთოდი. შემდეგ შეგიძლიათ შეხვიდეთ ბირჟის სექციაში სადაც კრიპტოვალუტის შეძენაა შესაძლებელი.

როგორც წესი, ბირჟებს კონვერტირების ხელსაწყოები მთავარ გვერდზე აქვთ. სექციაში „გაყიდვა“ დაამატეთ გასაყიდი ფიატ ვალუტის ოდენობა, შემდეგ კი, სექციაში „ყიდვა“, დაინახავთ რამდენს მიიღებთ თქვენს მიერ შერჩეულ  კრიპტოვალუტაში. დაადასტურეთ შესყიდვა თქვენი ბირჟის საფულეში კრიპტოვალუტის მისაღებად.

 

კრიპტოს საკუთარ კრიპტო საფულეზე გადარიცხვა

იმ ფაქტის მიუხედავად, რომ კრიპტო ბირჟების უმეტესობა ცივი შენახვის გადაწყვეტებს იყენებენ ფინანსების დასაცავად, რეკომენდებულია ბირჟის პერსონალური ანგარიშიდან თანხის კერძო კრიპტო საფულეში გადარიცხვა. სწორედ ამიტომ გვაქვს სექცია „შენი საფულის დაყენება“.

ბირჟაზე ფინანსების გადასარიცხად იპოვეთ სექცია „განაღდება“ ან „გაგზავნა“.

თქვენი კრიპტო საფულის საჯარო მისამართის ნაწილში დაამატეთ გადასარიცხი ოდენობა. განაღდების დადასტურებამდე კიდევ ერთხელ შეამოწმეთ მიმღების მისამართი და ტრანზაქციის დეტალები. ეს მნიშვნელოვანია, რადგან ტრანზაქციის განხორციელების შემდეგ მისი გაუქმება შეუძლებელია მესამე მხარის არარსებობიდან გამომდინარე. ფინანსები გარკვეულ ვადაში გადაირიცხება თქვენს პირად საფულეში.

მითითებები წარმატებული კრიპტოვალუტის ინვესტიციებისთვის

არ არსებობს ყველასთვის ერთი მიდგომა ვირტუალურ ვალუტებში ინვესტირების კუთხით. თუმცა, არის რამდენიმე მითითება, რამაც უნდა მოახდინოს თქვენი მოგების მაქსიმიზაცია და დანაკარგების მინიმიზაცია. ესეც რამდენიმე ღირებული მითითება:

• პორტფელის დივერსიფიკაცია.
• თვალყური ადევნეთ საბაზრო ტრენდებსა და სიახლეებს.
• განსაზღვრეთ მიზნები და მართეთ მოლოდინები.

თქვენი პორტფელის დივერსიფიკაცია კრიტიკულია რისკის მართვისთვის. სხვადასხვა ინდუსტრიიდან რამდენიმე სოლიდურ კრიპტოვლუტაში ინვესტირება დაგეხმარებათ პოტენციური სარგებლისა და დანაკარგების დაბალანსებაში. თქვენი ინვესტიციების დივერსიფიკაციით ამცირებთ ნებისმიერი ერთი კრიპტოვალუტის არასტაბილურობის გავლენას და ზრდით რამდენიმე აქტივის ზრდის შედეგად სარგებლის მიღების შანსებს.

მაგალითისთვის იხილეთ TerraUSD და Luna-ს შემთხვევა 2022-ში. TerraUSD და Luna ორი სტეიბლკოინია და დაკავშირებულია. TerraUSD-ს მარცხმა Luna-ს ღირებულების შემცირება გამოიწვია.

ბაზრის ტრენდებისა და სიახლეების თვალყურის დევნება კრიტიკულია, რამდენადაც ასეთი ინფორმაცია შესაძლოა გამაფრთხილებელ ნიშნებს მოიცავდეს. კრიპტოვალუტის ბაზრებზე მრავალი ფაქტორი ახდენს გავლენას, მათ შორის ტექნოლოგიური გარღვევები, რეგულატორული განვითარება და საბაზრო სენტიმენტი (ინვესტორები როგორ არიან განწყობილი აქტივთან დაკავშირებით).

სიახლეების, ინდუსტრიული განახლებებისა და საბაზრო კვლევის რეგულარული მონიტორინგი შესაძლებელია საერთო ბაზრის, ასევე კონკრეტული კრიპტოვალუტების ირგვლივ, გარემოებებზე მნიშვნელოვან ინფორმაციას იძლეოდეს. ამ ცოდნას შეუძლია დაგეხმაროთ სწორი საინვესტიციო გადაწყვეტილებების მიღებაში.

მიზნების ქონის შემთხვევაში ემოციური ტრეიდინგის დაწყების სურვილის დაძლევა უფრო მარტივია. ეს ხდება მაშინ, როდესაც ლოგიკაზე დაფუძნებული გადაწყვეტილების ნაცვლად რაიმეს ემოციური მიჯაჭვულობით აკეთებთ.

ამასთან, კრიპტოვალუტის ინვესტიციები შესაძლოა უკიდურესად არასტაბილური იყოს და მყისიერი გამდიდრების მოლოდინმა შესაძლოა სულელურ გადაწყვეტილებებამდე მიგვიყვანოთ. თქვენი საინვესტიციო მიზნები განსაზღვრეთ ყურადღებიანი კვლევის საფუძველზე და მხედველობაში იქონიეთ, რომ კრიპტო ბაზარი არასტაბილურია.

დასკვნა

როგორც ხედავთ, კრიპტოვალუტების ყიდვის დაწყება მაინცდამაინც რთული არაა. თუმცა, მნიშვნელოვანია შესაძენი ვალუტის შესწავლა. მაშინაც კი თუკი პოპულარულ კოინებში ახორციელებთ ინვესტიციას, როგორიცაა Bitcoin, Ethereum, Solana და სხვები, უნდა გესმოდეთ როგორ მუშაობს ისინი და რას სთავაზობს ეს პროექტები მომხმარებლებს.

კრიპტოვალუტის არჩევის შემდეგ უნდა მოიძიოთ საიმედო ბირჟა. თქვენი ფინანსები შეგიძლიათ ბირჟის საფულეში შეინახოთ, თუმცა უმჯობესია კრიპტო პირად საფულეში გადარიცხოთ. ამასთან, კრიპტოვალუტაში ინვესტირების შემდეგ თვალყური უნდა ადევნოთ ამ კრიპტოს. ბაზარი არასტაბილურია, ამიტომ არ შეიძლება, რომ ყურადღება მოადუნოთ. ყურადღებით იყავით, თვალი ადევნე სიახლეებსა და რეგულაციებს და თქვენმა კრიპტო ფინანსებმა შეიძლება მოგება მოგიტანოთ!