როგორ უნდა მოიქცეს კარანტინში/თვითიზოლაციაში მყოფი კენჭისყრაში მონაწილეობის მიღების მსურველი ამომრჩეველი

კარანტინში/თვითიზოლაციაში მყოფმა ამომრჩეველმა კენჭისყრაში მონაწილეობის მიღების სურვილი არჩევნების დღემდე არაუგვიანეს 5 დღით ადრე უნდა დააფიქსიროს.

შესაბამისი დადგენილება ცენტრალურმა საარჩევნო კომისიამ დღევანდელ სხდომაზე განიხილა და დაამტკიცა.

„კარანტინში/თვითიზოლაციაში მყოფმა ამომრჩეველმა 2021 წლის 25 სექტემბრიდან 27 სექტემბრის ჩათვლით 10:00-დან 22:00 საათამდე თავის განზრახვის შესახებ უნდა შეატყობინოს ცენტრალურ საარჩევნო კომისიის შესაბამის საინფორმაციო ცენტრს, რომ მას სურს კენჭისყრაში მონაწილეობა. თუ ის იქნება ამავდროულად, შესაბამისი უწყებების მიერ მოწოდებულ სიაში, დაფიქსირდება მისი სურვილი, რომ კენჭისყრაში მიიღოს მონაწილება, ამ შემთხვევაში გადასატანი ყუთით გამოცხადდება შესაბამისი სპეცჯგუფის, კომისიის წევრი და პირი მიიღებს კენჭისყრაში მონაწილეობას.

რაც შეეხება სპეცსიის დამტკიცების თარიღს, ეს არის კენჭისყრამდე არაუგვიანეს მესამე დღე, რაც არის 29 სექტემბერი,“- განაცხადა ცესკო-ს იურიდიული დეპარტამენტის უფროსმა, გიორგი სანტურიანმა.