როგორ ვუმკურნალოთ ანგინას?

ანგინა (ტონზილიტი, ტონზილო-ფარინგიტი) ხახის და ხახის ნუშურების მწვავე ანთებითი დაავადებაა. ნუშურა ჯირკვალი ლიმფოიდური ქსოვილია, რომელიც ხახის ორივე მხარეზეა განლაგებული. ანგინის ძირითად გამომწვევს წარმოადგენს ვირუსული (40%) ინფექცია. ვირუსების შემდეგ, ამ დაავადების ყველაზე ხშირი

გამომწვევია ბაქტერიული (30%) ფლორა, კერძოდ A ჯგუფის β-ჰემოლიზური სტრეპტოკოკი.

სიმპტომები

• ძლიერი ტკივილი ყლაპვისას დროს; ყლაპვის გაძნელება
• ხშირი ნერწყვდენა (სალივაცია)
• ნადების და ჩირქოვანი საცობების წარმოქმნა
• პირის ღრუსა და ყელის ლორწოვანის გარსის შეშუპება და სიწითლე
• ინტოქსიკაციის ნიშნები: საერთო სისუსტე, თავის ტკივილი, შემცივნება, ტემპერატურის მომატება (38-39 გრადუსამდე)
• გადიდებული ლიმფური კვანძები

მკურნალობის მეთოდები

ყელის ტკივილი ყოველთვის არ არის მსუბუქი დაავადება, რომელიც გრძელდება 3-5 დღე. ყელის ტკივილის ზოგიერთი ფორმა, მათ შორის ტონზილიტი, საკმაოდ საშიშია და საჭიროებს მკურნალობის განსაკუთრებულ მეთოდებს, სპეციალისტების ჩართულობით.