გერმანიაში გაამკაცრეს ბრძოლა იმათ წინააღმდეგ ვინც ნაგავს ქუჩაში ყრის. ქალაქ ვუპერტალეში ქუჩაში საფერფლის დაცლის, ბანანის კანის ან ბურგერის შესაფუთი ქაღალდის დაყრის შემთხვევაში ჯარიმა 100 ევროა. მსგავსი ნაგავის საბავშვო მოედანზე დაყრის შემთხვევაში, კიოლნში ჯარიმა 150 ევროა. ქუჩაში სიგარეტის ნამწვის გადაგდება იგივე კიოლნში 50 ევრო დაგიჯდებათ. ტყეში ნარჩენების დაყრის შემთხვევაში ჯარიმა 80 ევროა. არალეგალური ნარჩენების (მაგ.გარდაცვლილი შინაური ცხოველები) მსხვილი მაგისტრალების გვერდით დაყრა – ჯარიმა 500 ევრო. საღებავების და ლაქების ნარჩენებით ჭურჭელის დაყრა – 25 დან 80 ევრომდე ჯარიმა. ძველი ავეჯის თავიდან მოშორება გერმანიაში უფასოა, ამისთვის საჭიროა მხოლოდ შესაბამისი სამსახურების წინასწარ გამოძახება, მაგრამ თუ ავეჯს გაუფრთხილებლად ქუჩაში გაიტანენ ჯარიმა 800 ევრომდე შეიძლება იყოს, ავეჯის ზომების შესაბამისად. ტყეში მაცივარის ან სარეცხი მანქანის გადაგდება 300 ევრომდე ჯარიმდება, ხოლო თუ ეს ტექნიკა რაიმე მავნე ნივთიერებას, მაგალითად აზბესტს შეიცავს, ჯარიმა შეიძლება 2500 ევრომდე გაიზარდოს. სამშენებლო ნაგავის გადაყრა 5000 ევრომდე ჯარიმდება. საბურავების ან ავტონაწილების უადგილოდ დაყრა 500 ევრო. ძველი ავტომობილების ჯართის უადგილო ადგილას გატანა – დატოვება 5000 ევრომდე ჯარიმდება.
www.dw.com
Loading ...