როგორ აფასებს ინფრასტრუქტურის მინისტრი საჯავახო–ჩოხატაური–ოზურგეთის გზის სარეაბილიტაციო სამუშაოებს

საქართველოს ინფრასტრუქტურის მინისტრი, რევაზ სოხაძე საჯავახო–ჩოხატაური–ოზურგეთი–ქობულეთის საავტომობილო გზის რეაბილიტაციის სამუშაოებს ადგილზე გაეცნო და მისი მიმდინარეობა შეაფასა.

“საჯავახო–ჩოხატაური–ოზურგეთი–ქობულეთის საავტომობილო გზის კმ0–კმ7 მონაკვეთის რეაბილიტაციის პროექტის მიმდინარეობას, კონტრაქტორი კომპანიის წარმომადგენლებთან ერთად ადგილზე გავეცანით.

 აღნიშნული მონაკვეთის სიგრძე 7.2 კილომეტრია და სამუშაოები ამ ეტაპზე დაბალი ტემპით მიმდინარეობს და პროექტის შესრულების ვადები უკვე გადაცილებულია. გაჭიანურებული სამუშაოები მოსახლეობას დისკომფორტს უქმნის, რისთვისაც მათ ბოდიშს ვუხდით. სამუშაოების დაჩქარება და ხარისხის სტანდარტების დაცვა აუცილებელია, რასაც მკაცრად გავაკონტროლებთ.”

– წერს ინფრასტრუქტურის მინისტრი თავის ფეისბუქ გვერდზე.

კომენტარები