16 მაისს მოსამართლე ლაშა ჩხიკვაძის გადაწყვეტილებით, ნიკა გვარამიას პატიმრობა მიესაჯა. “მთავარი არხის” დამფუძნებლის დაპატიმრებას უმწვავესი შეფასებები მალევე მოჰყვა ოპოზიციური პოლიტიკური პარტიების, მესამე სექტორის, სახალხო დამცველისა და ევროპელი პარტნიორების მხრიდან. “გურია TV” ამ ფაქტთან დაკავშირებით ესაუბრა ლანჩხუთელ პოლიტიკოსებს. “ნაციონალური მოძრაობის” წევრი კახაბერ ასკურავა აცხადებს, რომ გვარამიას დაპატიმრება პირადად ბიძინა ივანიშვილის გადაწყვეტილებით მოხდა. გიორგი გახარიას თანაგუნდელები გვარამიას დაკავების დროზე ამახვილებენ ყურადღებას. “ქართული ოცნების” დეპუტატი ნინო მშვიდობაძე კი აცხადებს, რომ გვარამიასთვის გამოტანილი განაჩენი მცირეა და ის ვინც კრიტიკა გამოთქვა ევროპიდან, “ნაციონალური მოძრაობის” ლობისტები არიან. მან ასევე გააკრიტიკა “სახალხო დამცველიც”. შეგახსენებთ, რომ ნიკა გვარამიას 3 წლითა და 6 თვით თავისუფლების აღკვეთა მაშინ მიუსაჯეს, როცა საქართველო ევროკავშირის წევრობის კანდიდატის სტატუსის მინიჭების მოლოდინშია.
მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა გიორგი მორჩილაძემ მოამზადა.
Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.
Loading ...
