როგორი ამინდი იქნება შობის დღესასწაულზე საქართველოში? – მეტეოროლოგი კობა ფარტენაძე დღესასწაულის დღეების პროგნოზს ავრცელებს.
“შობის ბრწყინვალე დღეებში, ქვეყნის უმეტეს ტერიტორიაზე მზიანი და უნალექო ამინდი იქნება, ღამის საათებში ყინვები მნიშვნელოვნად შესუსტდება, განსაკუთრებით დაბლობსა და ბარში, ხოლო დღის განმავლობაში ჰაერის ტემპერატურა საგრძნობლად მოიმატებს.
მთიან რეგიონებშიც შედარებით სტაბილური და ნათელი ამინდებია მოსალოდნელი, რაც საახალწლო და საშობაო განწყობას კიდევ უფრო გააძლიერებს. ბუნება თითქოს თავად ერთვება დღესასწაულში – ნათელი ცა, მზე და სიმშვიდე ზამთრის შუაგულში განსაკუთრებულ ატმოსფეროს ქმნის.
გაითვალისწინეთ სეზონური პირობები, განსაკუთრებით დილა-საღამოს საათებში ეციება, მთლიანობაში კი, შობის დღეები საქართველოში თბილი, ნათელი და პოზიტიური ემოციებით სავსე იქნება, რაც დღესასწაულს კიდევ უფრო განსაკუთრებულს გახდის.”
წერს მეტეოროლოგი კობა ფარტენაძე თავის ფეისბუქ გვერდზე.
კომენტარები
Loading ...