როგორი ამინდია მოსალოდნელი დღეს საქართველოში

გარემოს ეროვნული სააგენტოს ცნობით, 4 დეკემბერს ამინდი საქართველოში განპირობებული იქნება ამიერკავკასიის ჩრდილო-აღმოსავლეთიდან მოქმედი ცივი და სამხრეთიდან გადმონაცვლებული შედარებით თბილი ჰაერის მასების ურთიერთქმედებით. საქართველოში მოსალოდნელია: დროგამოშვებით ღრუბლიანობის მომატება. დასავლეთ საქართველოში უმეტესად უნალექოდ; აღმოსავლეთ საქართველოში ზოგან მცირე წვიმა. ზოგან იქროლებს აღმოსავლეთის მიმართულების ზომიერი ქარი.

დასავლეთ საქართველოში – დროგამოშვებით ღრუბლიანობის მომატება. უმეტესად უნალექოდ. აღმოსავლეთის ქარი 10-15მ/წმ, დღისით ზოგან შესაძლებელია ძლიერი 17-22მ/წმ. ჰაერის ტემპერატურა: დაბლობში ღამით +2, +7°, დღისით +13, +18°; მთაში ღამით -4, +1°, დღისით +10, +15°; მაღალ მთაში ღამით -8, -3°, დღისით +5, +10°.

აღმოსავლეთ საქართველოში – დროგამოშვებით ღრუბლიანობის მომატება. აღმოსავლეთ რაიონებში ზოგან შესაძლებელია მცირე წვიმა, მაღალ მთაში თოვლი და ნისლი. აღმოსავლეთის ქარი 10-15მ/წმ. ჰაერის ტემპერატურა: ბარში ღამით +1, +6°, ზოგან -4°, დღისით +6, +11°; მთაში ღამით -6, -1°, დღისით +6, +11°; მაღალ მთაში ღამით -9, -4°, დღისით +2, +7°.

თბილისში – დროგამოშვებით ღრუბლიანობის მომატება. ღამით უმეტესად უნალექოდ, დღისით შესაძლებელია მცირე წვიმა და ნისლი. სუსტი ქარი. ჰაერის ტემპერატურა: ღამით +6°, დღისით +10°.