როგორია ქართული თხილის საექსპორტო ფასი

საქართველოს გარემოსა და სოფლის მეურნეობის სამინისტროს ცნობით, თხილის ექსპორტის ღირებულება მზარდია.

უწყების ცნობით, თებერვალში საქართველოდან ექსპორტირებულია 19.3 მლნ აშშ დოლარის ღირებულების 1.7 ათასი ტონა თხილი, რაც იმას ნიშნავს, რომ წინა წლის ანალოგიურ პერიოდთან შედარებით, ექსპორტირებული თხილის რაოდენობა 33%-ით (407.4 ტონა), ხოლო ღირებულება 2.2-ჯერ (10.4 მლნ აშშ დოლარი) გაიზარდა. ამავე მონაცემებიდან, ირკვევა, რომ კილოგრამი ქართული თხილის საექსპორტო ფასი 11.4 აშშ დოლარს აღწევს.

„ქართული თხილის ძირითადი საექსპორტო ბაზარი ევროკავშირია (იტალია, ესპანეთი, გერმანია, საფრანგეთი, საბერძნეთი), სადაც 2025 წლის 1-ლი აგვისტოდან 2026 წლის 28 თებერვლის ჩათვლით ექსპორტირებულია 9. 9 ათასი ტონა თხილი.

რაც შეეხება სხვა საექსპორტო ქვეყნებს, 944 ტონა თხილი – ექსპორტირებულია სირიაში, 511 ტონა – სომხეთში და 473 ტონა – რუსეთში,“ – წერია სამინისტროს მიერ გავრცელებულ ინფორმაციაში.

www.bpn.ge