როგორია ნანგრევებიდან ამოყვანილი მამაკაცის ჯანმრთელობის მდგომარეობა

ბათუმში, კორპუსის ჩამონგრევის შედეგად გადარჩენილი მამაკაცის, 37 წლის ზვიად თავდგირიძის ჯანმრთელობის მდგომარეობა სტაბილურად მძიმეა.

როგორც კლინიკის დირექტორმა დეა ქაჯაიამ „ინტერპრესნიუსს” განუცხადა, პაციენტის ჯანმრთელობის მდგომარეობის მაჩვენებელი ნორმებშია მოსული.

“პაციენტის ჯანმრთელობის მდგომარეობა სტაბილურად მძიმეა, ისევ ინტენსიურ განყოფილებაში რჩება, ალბათ, რამდენიმე დღე გავაჩერებთ იქ.

ბევრი მაჩვენებელი ნორმაშია მოსული, მაგრამ მდგომარეობა საყურადღებოა”, – აცხადებს დეა ქაჯაია.

შეგახსენებთ, რომ ბათუმში, 26 მაისის ქუჩაზე საცხოვრებელი კორპუსი 8 ოქტომბერს ჩამოინგრა. ნგრევას 9 ადამიანი ემსხვერპლა, მათგან 3 არასრულწლოვანია, ერთი ადამიანი გადარჩა. შინაგან საქმეთა სამინისტრომ მომხდარ ფაქტზე 3 პირი დააკავა.