როგორია ზაფხულის დეპრესიის სიმპტომები და რითი განსხვავდება ზამთრის დეპრესიისგან

მან Washington Post-თან ინტერვიუში დაასახელა ზაფხულის აფექტური აშლილობის სიმპტომები და ის, თუ რით განსხვავდება იგი ზამთრის აპათიისგან.

როზენტალმა განმარტა, რომ ფსიქიკაზე უარყოფით გავლენას ძირითადად სიცხე, მაღალი ტენიანობა და მტვრის მიმართ ალერგიის გამოვლინება ახდენს. გარდა ამისა, ბევრი პაციენტი უჩივის მზის მკვეთრ გამოსხივებას, რომელმაც, სპეციალისტის თქმით, ზოგიერთ ადამიანში მართლაც შეიძლება გამოიწვიოს მანიაკალური ფიქრები.

„ზაფხულისა და ზამთრის სეზონური აფექტური აშლილობები ხასიათდება დეპრესიით, განწყობის დაქვეითებით და სიამოვნების გრძნობის დაქვეითებით. ზამთრის დეპრესიის მქონე პაციენტებს უფრო ხშირად სძინავთ, ჭარბად ჭამენ და გრძნობენ ძილიანობას. საზაფხულო დეპრესიის სიმპტომები საპირისპიროა: მადა იკლებს, ქრება შიმშილის გრძნობა, აღინიშნება უძილობა“, – ნორმან როზენტალი, ფსიქიატრი.

როზენტალმა აღნიშნა, რომ ზაფხულის დეპრესიის დროს ადამიანები უფრო აქტიურები არიან და უფრო მეტად იღებენ გადაწყვეტილებას მოქმედებებზე, რომლებიც მათ ზიანს აყენებს, მაშინ, როცა ზამთრის აპათიის დროს პაციენტებს ხშირად არ აქვთ საკმარისი ძალა იმისათვის, რომ გააკეთონ ისეთი რამ, რამაც შეიძლება ზიანი მიაყენოს მათ.