დღეს ნოდარ დუმბაძის სახელობის მესამე საერთაშორისო თეატრალურ ფესტივალი ოზურგეთის სახელმწიფო თეატრში საზეიმოდ დაიხურება.
დახურვის დღეს შეგიძლიათ ნახოთ –
15/07 – 15:00, მცირე სცენა, ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი – „ცის – კარი“, ნოდარ დუმბაძე, ელენე მაცხონაშვილის საავტორო სპექტაკლი.
სპექტაკლი „ცის-კარი“ ნოდარ დუმბაძის ცხოვრებაზე და შემოქმედებაზე გვიყვება, ტექსტი ნოდარ დუმბაძის ნაწარმოებებსა და ჩანაწერებზეა დაფუძნებული. თოჯინური და ცოცხალი პლანის სინთეზი სანახაობრივთან ერთად განსაკუთრებულად ემოციურს ხდის სპექტაკლს, ავტობიოგრაფიული ხაზი მაგიურ, სინამდვილის განცდას ჰქმნის. ტექსტის სიმცირე კი სპექტაკლს ყველა თაობის მაყურებლისთვის გასაგებს, შინაარსობრივად საინტერესოს და აღსაქმელად მარტივს ხდის.
15/07 – 20:00 დიდი სცენა – ოზურგეთის ალექსანდრე წუწუნავას სახელობის სახელმწიფო პროფესიული დრამატული თეატრი, „რესპუბლიკა გურია“, ნიკოლოზ საბაშვილის საავტორო სპექტაკლი.
რეჟისორ ნიკოლოზ საბაშვილის საავტორო სპექტაკლი „რესპუბლიკა გურია“ კულტურის სამინისტროს კონკურსის „კულტურის სფეროში თავისუფალი პროექტების ხელშეწყობა“ გამარჯვებული პროექტია და წარმოადგენს ინოვაციურ წარმოდგენას, რომელიც თხრობის განსხვავებული, არავერბალური ფორმით არის გადმოცემული. სპექტაკლის სიუჟეტი ეყრდნობა საზოგადოებისათვის ნაკლებად ცნობილ დოკუმენტურ მასალებს. წარმოდგენაში გაცოცხლებულია პატარა ქალაქი – ოზურგეთი, რომელიც თავს ითავისუფლებს და შიშის ზარს სცემს უზარმაზარ რუსეთის იმპერიას. სპექტაკლში ხაზგასმულია უბრალო ადამიანის როლი თავისუფლებისათვის ბრძოლაში. მნიშვნელოვანია, რომ მთავარი პერსონაჟები არიან არა ისტორიულად ცნობილი ფიგურები, არამედ გლეხები, რომლებიც იბრძვიან ადამიანური ღირსებების დასაცავად. სპექტაკლში მონაწილეობს ოზურგეთის თეატრის მთელი დასი.
კომენტარები
Loading ...
