ფსტა გემრიელი თხილეულია, რომლის წარმოშობა შუა აღმოსავლეთს უკავშირდება. ნაზი და დახვეწილი გემოს წყალობით ფსტა ერთ-ერთ ძვირფას თხილეულად ითვლება. მას ხშირად იყენებენ სალათებში, ხორციან და თევზიან კერძებში. ფსტისგან ამზადებენ ნაყინს, სოუსებსა და დესერტებს. ფსტის თხილი არა მხოლოდ გამორჩეული გემოს, არამედ სასარგებლო თვისებების გამოც უყვართ, თუმცა, მისი ფასი ყველასთვის ხელმისაწვდომი არაა – საქართველოში 1 კგ ფსტა, დაახლოებით, 45 ლარი ღირს.
რატომ ღირს ფსტა ძვირი
ფსტის სიძვირის მიზეზი მცენარის ზრდასა და მოსავლის აღებასთან დაკავშირებული სირთულეებია. ფსტის ხე პირველ მოსავალს მეშვიდე ან მერვე წლიდან იძლევა.
თხილს წელიწადში ერთხელ — ივლისის ბოლოს-აგვისტოს დასაწყისში კრეფენ, თანაც — უმეტესად მხოლოდ ღამით, რადგან დღისით ხე ჯანმრთელობისთვის ისეთ ეთერზეთებს გამოყოფს, რომლებიც თავბრუდახვევას და გულისრევას იწვევს.
ფსტას ხელით კრეფენ, წმენდენ და აშრობენ. ამის შემდეგ ფსტას მარილიან წყალში ალბობენ, ხალავენ და ყიდიან.
ფსტა ძირითადად, თურქეთში, მაროკოსა და ცენტრალური აზიის ქვეყნებში ხარობს, ამიტომ თხილის ფასს ტრანსპორტის ხარჯებიც ემატება.
ფსტის სასარგებლო თვისებები
ფსტა მდიდარია უჯრედისით, სასარგებლო ცხიმებით და სხვადასხვა მინერალით.
კალიუმის შემცველობით ფსტა სხვა კაკლებს შორის ლიდერობს.
დადასტურებულია, რომ ფსტა სტრესის ჰორმონის – კორტიზოლის დონეს ამცირებს, ამიტომ კარგი ანტისტრესული საშუალებაა.
ფსტაში შემავალი ვიტამინი B7 მნიშვნელოვნად აჩქარებს ნივთიერებათა ცვლას, ხოლო სელენი იმუნურ სისტემას აძლიერებს და ფარისებრი ჯირკვლის მუშაობას ეხმარება.
Loading ...