რესპუბლიკელი სენატორი, როჯერ ვიკერი ბაიდენის ადმინისტრაციას, მოუწოდებს, რომ ოცნების ლიდერებს, ბიძინა ივანიშვილს, კახა კალაძესა და ირაკლი კობახიძეს სანქციები დაუწესოს.
ვიკერის კომენტარს ჰელსინკის კომისია X-ზე ავრცელებს.
“ვფიქრობ, აშშ-მა უფრო გაბედული და დროული გადაწყვეტილება უნდა მიიღოს. ასეთ დროს არასაკმარისი ზომები არასწორი მესიჯია. მოვუწოდებ ბაიდენის ადმინისტრაციას, დაუწესოს სანქციები ბიძინა ივანიშვილს, კახა კალაძესა და ირაკლი კობახიძეს. საქართველო თავისუფლების მოყვარული ხალხის სახლია. ისინი ოდესღაც რუსეთის გავლენის ქვეშ იყვნენ, მაგრამ ახლა წარსულში დაბრუნება აღარ სურთ”, – განაცხადა ვიკერმა.
ამასთან, დღეს, რესპუბლიკელმა კონგრესმენმა და მეგობარი აქტის ავტორმა, ჯო უილსონმა X-ზე დაწერა, რომ საქართველოსთვის წინსვლის ერთადერთი საშუალება ახალი არჩევნებია.
“კარგი სატელეფონო საუბარი მქონდა საქართველოს პრეზიდენტთან, სალომე ზურაბიშვილთან. ამ პოლიტიკურ კრიზისში ის ერთადერთი ლეგიტიმური პოლიტიკური ლიდერია ქვეყანაში და ვეთანხმები მას – საქართველოსთვის წინსვლის ერთადერთი საშუალება ახალი არჩევნებია. ქართველი ხალხი იმსახურებს მთავრობას, რომელიც მას წარმოადგენს”, – წერს უილსონი.
Loading ...
