რეპერი ქულიო 59 წლის ასაკში გარდაიცვალა

ცნობილი რეპერი ქულიო 59 წლის ასაკში გარდაიცვალა, – ინფორმაციას მედიასაშუალებები მის მენეჯერზე დაყრდნობით ავრცელებენ.

მისი განცხადებით, რეპერი ლოს-ანჯელესში, მეგობრის სახლში გარდაიცვალა. მიზეზი ჯერჯერობით უცნობია.

ქულიო 1990-იან წლებში, ჰიპ-ჰოპის ყველაზე პოპულარულ შემსრულებლებს შორის სახელდებოდა.

მან Gangsta’s Paradise-ის საუკეთესო, სოლო რეპ შესრულებისთვის „გრემიც“ მოიპოვა.