კარლო ანჩელოტიმ ზაფხულის „სატრანსფერო ფანჯარაში“ „ნაპოლის“ კარგ სელექციაზე ისაუბრა და ქართველი ტალანტის ხვიჩა კვარაცხელიას ფეთქებად სტარტს გამოეხმაურა.
21 წლის გარემარბმა ზაფხულში კამპანიაში ჩასვლის შემდეგ სწრაფად იპოვა ადგილი სერია A-ში და ახალი გულშემატკივრები მისვლისთანავე გაიჩინა. კვარაცხელიამ იტალიის ჩემპიონატის პირველ 8 მატჩში 5 გოლი გაიტანა, 2 საგოლე გადაცემა გააკეთა და განახლებული „ნაპოლის“ სიმბოლოდ იქცა.
Rai Sport-თან საუბრისას ანჩელოტიმ „ნაპოლის“ სეზონის შთამბეჭდავ დაწყებასა და კვარაცხელიას თვისებებზე ისაუბრა.
„სეზონის დაწყებამდე „ნაპოლიმ“ რამდენიმე ძალიან კარგი მოთამაშე შეიძინა, რომლებიც „ჰაერს ასუფთავებენ“. დღეს ძნელია იმის პროგნოზირება, პერსპექტივაში რისი უნარი აქვთ. მაგრამ რა თქმა უნდა, ახალწვეულებმა გუნდი არაპროგნოზირებადი გახადეს. არის კვარაცხელია სიურპრიზი? ეს მათთვისაა სიურპრიზი, ვინც მას არ იცნობდა. მე კი მას ჯერ კიდევ მაშინ ვაკვირდებოდით, როცა „ნაპოლიში“ ვიყავი. ის განსაკუთრებული მოთამაშეა“, – ამბობს კარლო ანჩელოტი.
ანჩელოტის ნახსენებ პერიოდში (2018-2019) კვარაცხელია საქართველოში, „რუსთავში“ თამაშობდა – რუსეთში, მოსკოვის „ლოკომოტივში“ 2019 წლის თებერვალში იჯარით გადავიდა. იქ 5 თვე გაატარა, ზაფხულში კი სრულფასოვანი კონტრაქტით ყაზანის „რუბინში“ გადავიდა.
შეგახსენებთ, რომ კარლო ანჩელოტი, რომელიც მსოფლიოს ერთ-ერთი ყველაზე ტიტულოვანი მწვრთნელია, რაზეც მის მიერ მოპოვებული ტიტულები მეტყველებს.
Loading ...
