2020-2021 სასწავლო წელი მთელი საქართველოს მასშტაბით მოქმედ 2084 საჯარო სკოლაში 15 სექტემბერს ჯანდაცვის სამინისტროს მიერ მომზადებული რეკომენდაციების დაცვით განახლდება.
რეკომენდაციები ეხება სკოლის ბუფეტის/სასადილოს ფუნქციონირებასაც, რომლის მიხედვითაც ბუფეტის/სასადილოს ფუნქციონირება დაუშვებელია თუ შეუძლებელია მოსწავლეთა რიგში დგომის დროს უსაფრთხო დისტანციის დაცვა. ასევე, იმ შემთხვევაში თუ ბუფეტში/სასადილოში არსებული ყველა ონკანის გამართული მუშაობის რეჟიმი არ იქნება უზრუნველყოფილი.
რეკომენდაციების თანახმად, ბუფეტის/სასადილოს შესასვლელთან ახლოს, შიდა სივრცეში ხელმისაწვდომი უნდა იყოს ფუნქციონირებისთვის გამართული ხელსაბანები.
შემუშავებულ პროტოკოლში წერია, რომ საკვების შესაძენად მოსწავლეთა გადაადგილების მაქსიმალურად შეზღუდვის მიზნით, მიზანშეწონილია საკვების კონტეინერით (ლანჩ-ბოქსი) ტარება, ასევე, კვების შესვენების ორგანიზება სასწავლო ოთახებში.
www.bm.ge
Loading ...